كلمة حق

  • ×
يا دارنا اللي نفتخر بك كل عام‬ للشاعر راكان بن عبدالله
تركي ال عاقل- العلا
بواسطة : تركي ال عاقل- العلا 23-09-2019 08:41 مساءً 9.3K
 
يا دارنا اللي نفتخر بك كل عام‬
‫يا أمننا من بعد رب العالمين‬
‫يا أطهر من الما وأحدّ من الحسام‬
‫ياللي بسطتي راحتك للمقبلين‬
‫أنتِ ذرى شعبك بعد رب الأنام‬
‫وأنتِ الضماد اللي برى جرح السنين‬
‫يا كايدة في سطوتك صبح وظلام‬
‫على وجيه الغدر وسمّتي الجبين‬
‫من هقى بك أشهد إنه ما يضام‬
‫ومن غدر بك ما بيلقى له عوين‬
‫دارنا دار الوفى دار السلام‬
‫عمّ فضلك كل دار وكل دين‬
‫وش أبوصف فيك يا عذب الكلام‬
‫وش ذخرتي للكرم والمْكِرمين‬
‫من حذا حذوك شَعَرْ بالإنهزام‬
‫ما قدر يعطي مثل خيرك سنين‬
‫قايدك شامخ وهو نعم الإمام‬
‫اللي تعلّق به طموح الفاتحين‬
‫ما تعب من مسكة السيف الحسام‬
‫في وجيه أعداك واللي حاقدين‬
‫وساعدك وافي مثل وبل الغمام‬
‫لا هطل وسمه غمر كبد الحزين‬
‫وصاحبك ما خاف في ليله ونام‬
‫مستريح البال في دنيا ودين‬
‫وشعبك الوافي تعلّى ثم حام‬
‫مثل حرٍ ما رضى بقاعه رهين‬
‫أفرحي يادار في حرب وسلام‬
‫ياعسى أيامك تدوم بكل حين
التعليقات ( 1 )
الترتيب بـ
الأحدث
الأقدم
الملائم
  • ناصر الشمري 24-09-2019 12:54 مساءً
    صح لسانك يالامير استمر وكل التوفيق لك يا بعدي
أكثر