وش فايدة كوني مواطن

بسم الإله الواحد الرحمن رب العالمين
ارفع يديني بالدعا يارب حقّق مطلبي

عندي هدف سامي كتبته قد رسمته من سنين
بإذن ربّي لوْصله بالركض والا بالحبي

اليوم ذا يوم الوطن في ظلّ سلمان الامين
واليوم هيّضت المشاعر يا قريحه اكتبي

انا ولائي للملك حب الوطن عندي ثمين
وان ما خدمت بْموطني بالجهد والشعر الأبي

وش فايدة كوني مواطن لا أساهم او أعين
ما استحق العيش فيه ولو هنالي مشربي

اكتب بيوتي صادقه من حب واخلاصي متين
وليّ عهد المملكة يرقى بها للي نبي

القائد اللي رؤيته تدعم وطنّا كل حين
في بحر فكره تبحر افكاري ويبحر مركبي

اسمه محمد إبن سلمان المحنّك و الفطين
فخر العرب صيته وصل للأعجمي والاجنبي

واللي نوى للملكة بالشر شيطان و لعين
و رصاص غدر المعتدي له صدري وْله منكبي

لِنَا ديار السلم لو نسمع طبول المعتدين
قلنا لها اهلاً وسهلاً يا هلا بك إرحبي

الغدر طبع الحاقدين المهلكه للخاينين
نموت لجل الدين عزّ انْطبق اقوال النبي

اقولها واعمل بها ما دمت عايش ذا يقين
منّي بيوت افكاري اللي قد خطفها مخلبي