بياض الثلج

يا بياض الثلج يا حلو المحيّا
العيون الهايمه بالدمع تشرق
•••
البحر عينك ولك موجٍ عتيّا
يغرق اقلوبٍ وللأنفاس يسرق
•••
حبك المكنون في صدري هنيّا
حافظه من حاقدٍ حلمه يفرّق
•••
لا تخافين البحر لو قلت هيّا
البحر يخشى عيونك يوم تبرق
•••
كم يتوه البحر لا جيتيه ضيّا
بينك وبين القمر ما شي يفرق
•••
ليل شعرك شفت انا فيه الحميّا
يحجب اضواء الفضا من يوم تشرق
•••
مثلك اللي قد رحل ليته تريّا
في رحيله حول غرب وحين مشرق
•••
ماطويت الحب فالاوراق طيّا
ودايم الابواب مقفوله وتطرق
•••
كم تمنيت اتجه صوب الثريّا
واني ارقى بين غيم وسقفٍ ازرق
•••
يوم حان الجد واحساسي تهيّا
قلت كيف ارقى وانا هلحين اغرق
•••
مثل ما زاح المسا وجده عليّا
صار شوق لك مع الانفاس يحرق
..