يا نونها
بقلم:د/علي الشعواني
يانونها خلك على دربك اخير
اخير لك مليون من الدرب الزلق
يانونها ارجاك لا تحاول تطير
اجناح ماعندك وريشك من ورق
المشكلة صعبة وذا وضع خطير
ماعاد به مرقاب والرمز احترق
اشوفهن متحمسات وفي نفير
ما يعرفن انهن ذبيحة في مرق
استغفر الله يا بنية من الدشير
يا كثرهم يا شينهم زي الخرق
المرجلة راحت وموقفنا عسير
وحنا على درب المفاتن نصطفق
المشكلة انحن نمشيها و تصير
وبعدها نبكي نصيح من الغرق
ما الومهن حاشا ولا الوم الكثير
ماغير الوم اللي مدربي ولا فرق
ان غربوا غرب وبالغ في المسير
وان شرقوا شرق ولو حتفه شرق
والبعض هيكل صورته وبلا ظمير
عقله مشوش وكل وضعه مخترق
يانونها تكفين و أبداً ما يصير
انت أمان الدار على كل الطرق