• ×
ناصر الحربي
ناصر الحربي

عن ناصر الحربي

صحفي سابق في جريدة البلاد/مجلة الشرق/ جريدة اليوم/ مجلة مزون الاماراتية
شاعر بعيد عن الأضواء

صدى صـوت المشاريـه


صدى صـوت المشاريـه
يا صدى صـوت المشاريـه والعـذر السميـن= شرهتي ماهـي عليكـم علـى جار وخوي
شرهتن يلحق مداها ســــــــــلوم الاولين =وترتوي منها المقابيل في حدن ســـــوي
الخطاء في بعض الاحيان فعل الجاهليـن=والجهـل لاعـاد يـوم الجهـل يـكـوي كــوي
ولايثيـر الغيـض بنـفـوس طلقـيـن اليمـيـن = كـود رجـل طيـب السـاس والطبـع خلـوي
ولا يكـدر صـفـو الاصـحـاب غـيـر الخايبـيـن = الوجيـه اللـي عساهـم بقـلـب المـجـذوي
الضعـوف اللـي غذاؤهم عـروض الفايبـيـن = الخوي لياغاب عنهـم شووا عرضـه شـوي
وانت ياللي من عرفتك تبين ولا تبين= لا تغرك ضحكـت الوقـت واتـقـول احـمـوي
للظروف احكـام وحيـان للحكمة فطـيـن=وانــت لا فطنه وحكـمـتـك تلـويـهـا لـــوي
لـكـن الـدعـوى بسيطة وحـنــا عـارفـيـن = من يشوف بعيـن طبعـه يجـي يـوم يهـوي
بـس مــن بــاب النصـايـح بـهـدي كلمتـيـن =جعلهـا تـروي ظمـاء كــل نـفـس وتـرتـوي
هرجتن تكشف مدى عرف شخصك لاتبين= في ضروف ماتبـى النقـص والهـرج لغـوي
ضمها فـي وســط جـوفـك وزينـهـا تـزيـن = اصلـح النية تــرى النية السمحة تــوي
وجمع اطرافـك عـن الليـل وحرفهـا يميـن = انــت ويـنـك والمشـاريـه واللـيـل ســروي
الزمـان اللـي نعيشـه يـبـي صـبـر ويقـيـن= والـوفـاء والطـيـب تلـقـاه بـسـاس الـقـوي
والمعانـي صـورة الــذات عـنـد المبدعـيـن= وذيب هاجـوس القصايـد مـن العـام يعـوي
بـيـن وجـهـا ماعرفـنـي ووجـهــا مايـلـيـن =وبـيــن تـيــار الحضارة وهــــم مــايــوي
ما بقى بالشعر صورة تـفـيـدالمقبـلـيـن =ولا بقى للصمت صبرا على الشيل رهـوي
الله اكـبـر كــل ما صار للـمـاضـي حـنـيـن = والله اكبر كل ما صار للفزعة دوي
ضاقـت صـدور المـواقـف بفـعـل الغانمـيـن = وضاقـت صـدور المعازيـب والضيـف بـدوي
بواسطة : ناصر الحربي
 0  0  1.9K
التعليقات ( 0 )
أكثر

جديد المقالات

احداث تعلمنا وتترك اثرا جيدا ولكن البعض يراه غير جيد... البعض يصعب عليه فهم الامر او الايمان به...

نتقلب في حياتنا* الدنيا نعيش النعيم و الجحيم *و الفرح و الحزن و الوداع و اللقاء منغمسون في...

الشاعرة أنيسة الهندي

عدنا إلى البيت ودخلت غرفتي ...أغلقت الستائر وجلست بالظلام بصمت قاتل تمددت على السرير وغطيت نفسي...

"من المؤمنين رجال صدقوا ما عاهدوا الله عليه، فمنهم من قضى نحبه ومنهم من ينتظر وما بدلوا...

الإرهاب وما فيه من تعدٍ صارخٍ على آمن الآمنين وترويعٍ لحياتهم، يمثل حالةً من الهمجية المبطنة التي...

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لمؤسسة غرب الصحفية للنشر والتوزيع