حنا جنود المملكة
الشاعر:عبد العزيز المورعي
درب الرجوله نسلكه
ماهمنا من المعركه
لعدونا ما نستكين
في حكم سلمان الحزم
وبشرع ربي نلتزم
في الحرب لا ماننهزم
يوم الوغا حنا نبين
حنا فدا لارض الوطن
وقت الشدايد والمحن
والله مانرضى الفتن
في كل حزه وكل حين
والهمة دايم عاليه
مثل الجبال الراسيه
نرخص ارواحاً غاليه
عشق السعودي من سنين
حنا هل السيف الصقيل
عاداتنا فك الدخيل
نفزع لياشب الفتيل
حنا لنا القاسي يلين
حكامنا آل السعود
يوم الوغا مثل الاسود
حنا لهم درع وجنود
وهم لنا ساساً متين
هاماتنا مرفوعه فوق
وعدونا نسوقه سوق
وللعهد والله مانبوق
وصاة سيد المرسلين
وديارنا ديار الامان
من سنين ومن زمان
ماهمنا إنس ٍ وجان
عدونا دايم حزين
وختامها يالله نقول
الفين صلاه على الرسول
كاشف خداع ابن سلول
شفيعنا يا لمسلمين