مالك ومال الناس

لا تحسبنـي ياعزيزي معاديـك
لا للمكر في منهجي مـن شريتـك
‪ ‬
ثمّن وراع الصاحب اللي يراعيـك
لولا ان قلبي صادقٍ مـا حويتـك

لا يلعبون برأسك النـاس وشفيـك
ماخذ علي موقف وانا مـا بليتـك

كدرت نومي حيل يومي مصافيـك
وياما نصيتـك للأسـف مالقيتـك

اترك كلام الناس واسمع بحاكيـك
ان كان تبغانـي عزيـزي بغيتـك

كلن يغني ليل يا عيـن مـا ابيـك
وانا على درب الوفا مـا نسيتـك

هذي طبوعي من سنيني واحاتيـك
مالك ومال النـاس لمـن خويتـك

كانك على جرحي تـدوّر معانيـك
ما للمحبـة طعـم ثانـي فديتـك

مد التواصل حيث انا اجيك وارضيك
وان كان ما تاثق فلانـي نصيتـك

هذا خضوعي في محبـة معاليـك
لو تفهمه لجـل المـوده رجيتـك