الصدر الحنون

كل عام وأنتي طيبة
اليوم يوم الأمهات
اليوم يوم الغاليات
العاليات الطيبات
اليوم كلاً قبل أمه وضمها
اليوم كلاً راح يركض من غلاته يمها
اليوم كلاً يطمع ان الله يلبي
لأرضت أمه عليه .. دعوة من فمها
طلبتين طيبات .. شاغله همها
ومن حق الوالدين
قالوا ان إلام له يوم .. من عرض السنة
وقالوا ان سموه .. عيد
ما دروا ان عندنا كل هذا
وفوقه ما يغطيه ويزيد
كل أيام ألسنه .. عيد
وأجمل أعياد ألسنه
يوم قرب الوالدين
جعل عمر أمي تهاني
يا لله ان عمره مديد
الرضاء يا لطيبين
أمي .. الصدر الحنون
أمي .. القلب الرهيف
أمي .. إنسانه عظيمة
أمي .. أمي
كيف اكسب رضاها
ويش أقول .. ويش اخلي
ويش أوضح .. ويش أضيف
أمي أصل التضحيات
راعية قلب نضيف
يومني طفل تسهر لين أنام
تبكي ان كأني مريض
تزرع العطف بيديها
لحضنتني بحضنها
احتضنها في خيالي
ارتسمها لين أنام
بالا لاه إني حضيض
واشهد انك طيبه .. يا طيبة
تبكي ان كنا غياب
تحسب أيام السفر
يوم أول
يوم رابع
يوم سابع
طول أوليدي .. وانأ
طولت في عد الأصابع
يا يمه لا تحزنين .. هذا إنا جيتك
يا بعد عمري وروحي
يا أجمل ما خلق ربي رحم
وكل عام وأنتي طيبه
عسى عمرك مديد
يا طيبة .. تسلمين

(ناصر مضحي الحربي)