النار و الليل

"

ياقلب لا تِصخر مع الناس بالحيل
تِصخـِر ولكـن للأسـف يهملونك !

جتني بيوت الـشعــر خيـلٍ بثر خيل
حجـلٍ وساع نحـور تبغـى تصونـك

مسرّجـه يفتر لها العـزم والحيـل
ركّـابـها عـقـلٍ تشـوفـه جنـونـك

من قال بين الناس لاتامن سهيـل
كل البلا والغدر .. باللي يجونـك

هذا اليماني فوق .. شامخ عن الميل
يا الآدمـي ادعَـك وفتّـح عيـونـك

ترا اندفاع الدرو مـع جـرّة السيـل
يجتث عشب الأرض لوكان دونك

ولّى زمان رجـال عـاشــوا حلاحيـل
واليـوم حتى رمـش عيـنـك يخونك

أهون عليك تخاوي النـار والليـل
ولا تجالس اللي بالقفـى يطعنونـك