ياوطن
شعر / مسفر بن حبيش
البسة شعري ياوطن خضر الاعلام
ياغلا بقاع الأرض واعز ديره
يادولة الإسلام ياعز الاسلام
إنتي ذرا المسلم انتي نصيره
عشتي بلاد الخير في ظل حكام
واحدبعد واحد يسوق المسيره
ألله كساك العز من عهد الايمام
نلتي الشرف يادرت شبه الجزيره
وتحققة في سيرتك كل الاحلام
تتغير الاجيال ونتي كبيره
واليوم عزم وحزم وعدايك احطام
أميرة الشعب السعودي اميره
ياسيدي سلمان ياريف الايتام
دك العداء ورد اليدين القصيره
يابوفهد يا مرهب اعقول الاخصام
يذود عن شعبن سكن في ضميره
قود المسيره شعبك ادروع وحزام
قود المسيره حيها من مسيره
أقدم وحنا .عالعدا نقحم اقحام
حنا معك مثل السيوف الشطيره
حب الوطن بقلوبنا بصمة الاهام
لجله ندوس كل الدروب الخطيره
شفنا على الحد الجنوبي لنا عام
وسبعة شهور النصر جانا بشيره
ياسيدي نقولها عبر الاعلام
بلغ بها الحوثي وبلغ خشيره
وبلغ بها إيران الوعد قدام
نموت ما يفرح بحبة شعيره
هذاخبر عاجل وهذا خبر هام
عدونا حنا نحدد مصيره
تبرق جنوب وترعد اجيوشنا شام
ونكحل اعيون العداء بالذخيره
الله اكبر وعزنا ياوطن دام
دام الوطن في حكم ناس (ن) تديره
ال.السعود الي للإسلام خدام
أحفاد أبو بكر وعمر والمغيره
ال السعود محطمه كل الارقام
والشعب بايعهم عشيرة عشيره
ما الله معودنا على حب الاخشام
ولاربت فينا النفوس الحقيره
قول وفعل وفعالنا بصمة ابهام
للي يعادينا نحدد مصيره
