قصيدة بنت المملكة : شوف يومه راح لامريكا زياره
ياحروف الشعر في صدق العباره
عبّري عن خاطري با اسمى المعاني
المشاعر حاضره رهن الاشاره
والشعور يعبر اللي في كياني
في الامير اللي زهى بشت الاماره
الشبل وابن الاسد رمز التفاني
في محمد يبدي الشعر افتخاره
في ولد سلمان يفخر ماعصاني
راعي الفكر المحنّك با اختياره
تسهل الصعبات له في كل شاني
نظرته عليا وللعليا مساره
و من نخاه يفك ضيقه في ثواني
شوف يومه راح لامريكا زياره
حقق اللي بالرجاوي والاماني
رؤيته من حنكته خير وبشاره
يحمل هموم الوطن ماهو جباني
يدري ان العلم عنوان الحضاره
للشعوب ( العلم ) صمام الاماني
ابشروا ياشعبنا والعلم شاره
للتطور والحضاره والكياني
بشّر ( بكليةٍ ) فخر وجداره
تحمل اسمٍ يفخر بذكره لساني
اسم نورٍ ما تغطيه الاناره
ساطعٍ مايحجبه قاصي وداني
في ميادين الشرف يعرف وقاره
سطّر الامجاد مايرضا الهواني
خطط لمستقبله واعلن شعاره
( رؤيته مستقبلٍ مايستهاني )
هكذا رمز القياده والنماره
عاش بن سلمان رمز ن للعياني
حي والله من بناء مجده وداره
واصدر بيمناه مجدٍ له بياني
----
كلمات بنت المملكة / نوال الرشود