ماهي على مثلك يالأهلي صعيبه
الشاعر سعيد الوزاب
آنا اعترف لك ياحبيب الملايين اني عشقتك ياحبيبي غصيبه
نادي ملوك وكلمتك فالميادين واخذت من فنك مكانه وهيبه
هيبة ملوك وفرحة اغلى المحبين واليا نويت الشي تقدر يجيبه
الاهلي اللي رجحته الموازين بين النوادي مإخذ اوفى نصيبه
حنا على كل البطولات ناوين ماهي على مثلك يالاهلي صعيبه
وماهمنا هرج الوشاة المساكين مادام بنشوف البعيده قريبه
لاقال خالد قول حنا موفين وتاريخنا ناصع ولا به معيبه
جمهورك العاشق بحبك مجانين ماهي غريبه من بيعشق حبيبه