وش غيّر مباديك ياذيب

ياذيب وش غيّر مباديك ياذيب وانت الذي مبداك تعرف حدوده خليت منزالك بعالي المراقيب وامسيت مثل الكلب في حي عوده ياذيب لا يخدعك نور الكهاريب من حاد عن مبداه يفقد وجوده ارجع على المرقاب كب التحاسيب ان كان للمرجاع مخرج وعوده مانته بلاقي في المدينه مكاسيب الوقت مقفي والخلايق حسوده مافي المدينه غير حش العراقيب كلاً يثني لبن عمه قيوده ماظن تلقى عند قومي تراحيب عليك حق وفي يدينك شهوده ينصحك شايب راسه ابيض من الشيب قد كان مثلك قبل تضعف زنوده