قصيدة ( خبر خير )

لفتني رسالة غالي ومالها عنوان ^ وقلبي يبادله الغلا قبل يرسل له ^ هلا مرحبا ترحيبةً تفحم القيفان ^ تصل للدماغ وتبرد القلب من غله ^ خبر خير هات العلم يافارس الفرسان ^ وصلت السماء ولا خذيت الفضا كله ^ انا يوم شفتك قلت انا فارس الميدان ^ على الفور علمتك فلسطين محتله ^ وقلت انتبه والناس ماتقبل الخذلان ^ لاتحقر صغير ومقصدك مانت واصل له ^ لكن عالحرام ان الحقايق لها برهان ^ ماحنا تبع من يخلف الدين والمله ^ طرت لي طواري ناس في عالم النسيان ^ وفي قلبي انصبت مثل صبة الدله ^ هواجيسي اللي سببت لي تعب وجنان ^ حدتني على الزله وانا مابغي الزله ^ تلاعب براسي فكرة العاشق الولهان ^ وأخاف البشر يقلون فكرتك مختله ^ واذا من بغيت اوزن على كفة الميزان ^ يقولون لي في وزنتك كثره وقله ^ وانا خابر اني لارميت ارفع النيشان ^ وصيد الخلا خابره يرتاع من ظله ^ ولكني اتسرع وفي معظم الأحيان ^ أصارع قصيدي وأحدي الصوت واشله ^ وإذا إن العقول اهم من صحة الابدان ^ عقول البشر من كثر الافكار منشله ^

وإذا إن السمع في بالك افضل من الأعيان ^ عيون اكثر العالم عن الصح محوله ^