خالد الحمياني شاعر المجتمع
يالله يالمعبود يافارج الضيق @ فرج لقلبن صار فيه اختناقي .
قلبن غشاه الهم جمله وتفريق @ من مؤتمر اهات جا الاتفاقي .
افيق منه ايام وسنين مافيق @ ومن سو حظي صار فيه اعتناقي .
عناق ويل وهم جوف الصناديق @ يالين كبدي صار فيها حراقي .
تعبت الفق من عنا الوقت تلفيق @ وتعبت اجامل ناس تنوي فراقي .
وعانيت بالكفين مغير تصفيق @ وقلبي على الونات والفكر ضاقي .
لو شفت مغتابن تيابس بي الريق @ واقصر به الرجلين لو هي تساقي .
وان شفت نمامن على الشر تحليق @ بو قلبن مشخل سوات الطواقي .
هراجة المجلس تطش المخاليق @ تفريق بين الناس ربع وطراقي .
والرجل في سده ليا صار تحقيق @ يدور بني عمه قوي الوثاقي .
والمجلس اللي به رجالن مطاليق @ هو غايتي هو مهجتي واشتياقي .
هاذي وصاة اللي للامجاد عشيق @ ابوي قبل يموت وصى وباقي .
