الطهر والعفه
الشاعر ـ خالد الحمياني
انا عشقتك حب طاهر عفيفي @وابيك للخفاق دايم حبيبه .
زرعت فيك الحب وعشقن نظيفي @ مافيه لا شكن ولا فيه ريبه .
حبك ربيع القلب ماله وصيفي @ عساك ياعمري لروحي قريبه .
انا عشقتك حيل ماهو بكيفي @ ارجوك حبي فيك وشهو نصيبه .
انا على فرقاك دمعي ذريفي @يا منى قلبي وداه وطبيبه .
فيك الجمال الوان وحسنك ظريفي @ وزودن على حسنك ترا فيك هيبه .
هيبة ملوك الارض ماهو خفيفي @ تفرض على المامور يدفع ضريبه .
عين المها والخشم من سل سيفي @ متساوي(ن) بين الخدود اللهيبه .
تليت قلبي فيك تل(ن) عسيفي @وانا معك ياصاحبي مهتني به .
انا نقشت اسمك حبيب ووليفي @ وشاعرك باحساسه عوى فيك ذيبه .
اوعدك وسط الجاش بيتك وريفي @ وغيرك من الزينات انا ويش ابيبه .
اهديتني طيفك وانا فيك طيفي @ وما همني وان كان كلن دريبه .
ما دام فيه الطهر يبقى منيفي @ والله لصونك ما يجي فيك عيبه .