" الغيبه" اللي ما خذه كل الحضور

عبدالله بن حزام  

الغيبه اللي ما خذه كل الحضور صورتك فيها ما تشابه للبشر

يازينة الدنيا وَيَا نفح العطور ياحب محفورٍ على قلبي حفر

يا ما خذتني من شعوري للشعور اللي تمكن في حياتي من دهر

شعور موجٍ هز قيعان البحور ما كل غواصٍ سبح فيه استقر

وانا على غوص ألهوا لأجلك جسور انزل على عز و وفا ذاك الصدر

أكرم عيون الحب وابني له قصور وأقول حبك عطا جا بالقدر

حلفت ياحبن خلا منه الفجور لأعيش في ظله رفيقٍ للعمر

حبيبتي يامالكه كل السرور تضيع بك هامات شعري والنثر

حبيبتي ماشابهك كود الغرور اللي سكن في نُون عينك بالحور

والا مفاتيرٍ تحلى بالخمور لاذاقها الْسان ألهوا طاح و هذر

تاخذني السكره معا عشقٍ يفور لمعانقة نسمة تطيب من زهر

بقطع مسافاتي واشيّد لك جسور لمواصلا فيه الغلا ماقد فتر

عهد النقا بيني وبينك مايبور وأنا لك اقرب من نسيمك للنحر

دامك هنا نورٍ لقلبي فالعصور ياورادة ليلي ..معاد أبغى قمر

Abduallah@