" بوح المشاعر " زبون راع الطيب
الشاعر / ياسر المالكي
البال هاض وناض برقه وشفناه والرعد حن استرسلي يامزونه
من هاجس (ن) مايقني الا منقاه لاساقها بالخير يستبشرونه
فوق الجروح يحط مخطوط يمناه طب الخوي واعداه تلقى طعونه
موقف اشوفه غير عن موقف اقراه وكل(ن) يوثق ماتشوفه عيونه
يادنيتي ماعاد فيها محاباه ماكل من رامو الوفاء يدركونه
الكامل الله ياهل الطيب والجاه مهما كبرتو حيل لاتدعونه
احيان اصيب اللي على البال والقاه واحيان حظي يحول دوني ودونه
واللي حلم واتحققت اجمل امناه لا عاش واقع حلم لاتيقضونه
خلوه مادامه تعايش مع اصداه ماعاد يبغى اللي عنه يشغلونه
لويعتذر بالوقت ويقول ماامده ويحلف ثلاث ايمان لاتصدقونه
مشغول والمشغول يكفيه ماجاه ماوده ولا ودنا تحرجونه
زبون راعي الطيب ماخاب مسعاه لو ماشرى يكفيه بإنه زبونه
بين الثلاث يبشرونه بسعداه وخاطره يرعونه ومايزعلونه
وزبون راع الكير مايسلم اذاه في وقفته عنده يذوق المهونه
وكنز القناعه فالعدد مااحد احصاه غير النفوس اللي بعزه تصونه
وان جيت للاصحاب الحسد والمراباه مهما خذو والله مايملكونه
صوادف الايام فيها معاناه تحد قوم لدرب ماهم يجونه
لكن فيها ياعرب سر معناه يقين راع الشك يقطع ظنونه
البال هاض وناض برقه وشفناه والرعد حن استرسلي يامزونه
من هاجس (ن) مايقني الا منقاه لاساقها بالخير يستبشرونه
فوق الجروح يحط مخطوط يمناه طب الخوي واعداه تلقى طعونه
موقف اشوفه غير عن موقف اقراه وكل(ن) يوثق ماتشوفه عيونه
يادنيتي ماعاد فيها محاباه ماكل من رامو الوفاء يدركونه
الكامل الله ياهل الطيب والجاه مهما كبرتو حيل لاتدعونه
احيان اصيب اللي على البال والقاه واحيان حظي يحول دوني ودونه
واللي حلم واتحققت اجمل امناه لا عاش واقع حلم لاتيقضونه
خلوه مادامه تعايش مع اصداه ماعاد يبغى اللي عنه يشغلونه
لويعتذر بالوقت ويقول ماامده ويحلف ثلاث ايمان لاتصدقونه
مشغول والمشغول يكفيه ماجاه ماوده ولا ودنا تحرجونه
زبون راعي الطيب ماخاب مسعاه لو ماشرى يكفيه بإنه زبونه
بين الثلاث يبشرونه بسعداه وخاطره يرعونه ومايزعلونه
وزبون راع الكير مايسلم اذاه في وقفته عنده يذوق المهونه
وكنز القناعه فالعدد مااحد احصاه غير النفوس اللي بعزه تصونه
وان جيت للاصحاب الحسد والمراباه مهما خذو والله مايملكونه
صوادف الايام فيها معاناه تحد قوم لدرب ماهم يجونه
لكن فيها ياعرب سر معناه يقين راع الشك يقطع ظنونه