نفس الثبيتي يوم غنت لطيمة. #الحميدي_الثبيتي
الحميدي الثبيتي
جهزت في روس المشاهيب ماجال.
من هاجسٍ للشعر تسمع صريمة.
بارق ضياء نوه لمع بعد همال.
متشبعة فيه الفياض البهيمة.
وبالها عشرين ليله لها اقبال .
تشابكت فيها الشعاب الخصيمة.
ترزم صواقعها على دق وجلال.
بأمر الكريم الي مسيل نظيمه.
تلمع علينا كنها إرسال مرسال.
من الي جزيلاته علينا عميمه.
تنعش بعد رذراذها عد وأطلال.
وتسمع بها صوت القماري مقيمة.
ما كنها قاست من القيض مقيال.
ولاكنها .. من لايع الوقت ِهيمه.
قامت تغني واطربتني بالامثال.
نفس الثبيتي يوم غنت لطيمة.
ثم قلت يالا لآل .. يا رقيق الحال.
ارفق على قلب ن تزايد حطيمه.
ماني على .. فقد المواليف ميال.
عندي مواثيق الغلا .. مستقيمة.
عشرة شرف ماحاشها مايل الجال.
الي مواقيف الشهامه .. تضيمه.
حنا خلقنا الله .. للاخصام .. عيال.
ولأهل الوفاء بحجم النفوس العظيمة.
يوم انها .. كره وضربة .. وخيال.
متزعمينن .. نجد .. قدرٍ .. و قيمة.
واليوم في حب الوطن كلنا عيال.
ومن لايفادي .. دون داره جريمه.
حنا على الخاين صواعيق وأهوال.
فالباير الي .. ما يوفي .. غريمه.
بالمملكة شفنا .. مواقيف الأبطال.
في وسط ميدان الشرف والعزيمة.
خلف المليك الي محنك بالافعال.
ابو فهد مروي الكبود المضيمة.
حامي ذرى مكة وطيبة وما شال.
الا الامانة .. بالقلوب السليمة.
يوم ان كلب الشام يرمي بالإحمال.
فيها .. براميل الخزاء .. والجريمة.
وحنا على مسح الالم صمتنا قال.
صدق المشاعر .. مسح دمعة يتيمة.
يالله يالي .. رحمتك .. مدها جزال.
ترفق .. عليهم بالقلوب الرحيمة.
جت بي مواويل الدهر دون موال.
وأثريتها .. لأهل العقول الفهيمة.
