لا باس يا ضيق المقابيل لا باس

*الشاعر / إبراهيم بن سعد الثمالي  

لا باس يا ضيق المقابيل لا باس ويا هاجسٍ مثل القهادي نفيره

شرهتك حقٍ لا وصل مسمع الناس ردوه عيب و علقوها بـ عيره

لا خير في قومٍ تحدك للإفلاس لاصار وقفاتك معاهم كثيره

لو الوفا للثوب هالوقت مقياس شفنا كثيرٍ فالثياب القصيره

ولو الكرم يعطي اهاليه مجلاس شفنا المجالس للرجال الفقيره

لكنه التقدير ماهو على ساس طوب النفاق اللي بنى كل ديره

حتى العرب تشرب مشاريب تنحاس و تقلط على الصغرى وهي للكبيره

بأعلمك ياللي خذا العلم كراس السيف مايجرح ترى في جفيره

و عيال عمك يا ولد ترفع الراس حقرانهم يهبيك في كل سيره

ان جيتهم حطوك للدار نبراس وإن عفتهم جولك جيوشٍ مغيره

لا عاد ربي حرب تغلب لجساس ولا عاش من يرفع لعمه شطيره

قافٍ طرالي يوم انا جاني نعاس وقبل المنام اسمح جموعٍ غفيره

عزاي في ظلم الليالي و الأغلاس لا جيت انام احضن شعور الستيره