الجرح شعر / محمد بن جعيد
شعر / محمد بن جعيد
أنا والجرح في علة طويله
ولا عندي طبيب ولا مداوي!!
حليل القلب ياعالم حليله
على المحبوب كنه ذيب عاوي!!
أنادي له ولا في اليد حيله
وانا ما عادني با الهجر قاوي!!
أنادي كل صبح وكل ليله
عسى المزيون يترفق وياوي!!
أنادي وأترقب له وأخيله
وكني ضايعآ وسط الخلاوي!!
وأنا ما عاد لي أية وسيله
ذبحك الحب ياقلبي الهواوي!!
جنون الحب مايرحم خليله
يهذري مثل فزاع البلاوي!!
لو أن الحكم في يدي لجيله
على شان أبرد القلب الشقاوي!!
من العام أنتظر مزنه وسيله
وخاب الظن في بعض الهقاوي!!
وانا والله على مدة يدي له
تركني لا طبيب ولا مداوي!!
