يابـــــوي
شعر / عبدالله حزام
حي الله اللي مسكنه بين الأهداب
يانور عيني لاظلمت بي حياتي
يابوي يا فخري ويا سيد الاحباب
ياتاج راسي لين يوم المماتي
و
ياعزوتي لاصكت الناب بالناب
والى اقبلت خَيل العدو عادياتي
ياشوكةٍ في عين حاسد وكذاب
يا هيبةٍ تشمخ بعز الثباتي
يالقدوه اللي نهجها ذكر وكتاب
وسنة محمد في سبيل النجاتي
علمتني كيف أرتقي راس مرقاب
المرجله وامجادها النايفاتي
علمتني حكمة زماني فالاصحاب
لا تصحب الا شامخين الصفاتي
أهل المكارم ماتخفّى ورا الباب
وأهل المواقف ساعة المكرباتي
وحذرتني عن طعنة الوقت بإسهاب
من ابعد العربان لا الدانياتي
ورسمت لي طول العمر فكر الالباب
اللي يديم النور في غب ذاتي
لبيه يا كفٍ عن العز ماغاب
لملمت عمري عن عذاب الشتاتي
طابت حياتك يا فخر بين الانساب
ماتجزي الدعوه ليوم الوفاتي
سمعا وطاعه كل مافيني آجاب
وأبشر بعزٍ ماعرف للوطاتي
