قصيدة : جرح أخضر

الشاعر / عوض الثقفي

ياكثر ما اكتب حروفك وأخسر الدفتر

* * * * * * * * * والحبر يشكي من إسرافي وتبذيري

أملا سطوره ويسأل وش تبي أكثر

* * * * * * * * * * * مسكين دفتر غرامك مل تحذيري

وأجاوبه خذ حروفي وش تبي تخسر

* * * * * * كن شاهد الحال واكسب كل تقديري

مادام دمي حبر جرح الغرام أخضر

* * * * * * * * * *خل الشرايين تنزف حبر تقصيري

يا متهم ما انكتب عن تهمته محضر

* * * * * * * * * * *كل المسافات سجنك وإنت تفكيري

طفل اشتياقك عبث في داخلي يكبر

* * * * * * * * * * يقلب موازين غيباتك وتفسيري

ياما أخبيك عني وإنت لي تظهر

* * * * * * * * *تجاوزت قدرتك قصدي وتخييري

تصدني عن لذيذ النوم لك وأسهر

* * * * * * * * *مثل الشعر لانوى بالليل تسهيري

وأشوف صورتك وأرحل عنك بك وأسكر *

* * * * * * * * * * * * * * *ما أحلاك ياقمة اللذه وتخديري