للشاعر : عبيد الســـراد
المصدر -
 |  | |
عليك الله وآمان الله وحفظه ياوطن سلمان تطمّن ياوطن وأبشر .. عليك الله وآمانه عمت عين الحسود الناكر المتلوّن الخوّان ترابك ياوطن غالي وجيشك ياوطن عانه على كامل حدودك ياوطن حرّابه وفرسان تردّد لا إله الاّ الله المعبود سبحانه وعلى صوت العزاوي والرصاص وغيمة الدخّان نسابق بعضنا وأرواحنا للموت طربانه نموت أحرار دونك ياوطن وأنت بأمن وآمان ولا ياطى ثراك المعتدي وأبليس وأعوانه نعم نفنى .. وتبقى ياوطن بـ إسم الله الرحمن على هامات مجدك يكتب التاريخ عنوانه على الحد الجنوبي يعقب الحوثي عميل إيران تروّضه البنادق وإن تكلّم نقطع لسانه على وضح النقا نقدم ونثبت والعدوّ يهان نشوش مع الرصاص ونعتزي لا ثار دخانه وإذا نادى المنادي وأنتخى فينا الملك سلمان تعزوينا ولبّينا ندا سلمان وأخوانه قبايل من خلقنا الله وحنّا داخل الميدان طحاطيح ورجال وروسنا بالعز مليانه بني خثعم رجال الحرب لا ضاق الزمان وشان نعم حنّا رجال الحرب وابطاله وفرسانه لنا في كل موقف ضربه وحربه وفعل وشأن ولنا في صفحة التاريخ مجد موثّق اركانه من العهد القديم وقبل رفع بلال للآذان إلين الله بعث خاتم نبيينه وقرآنه وحنّا سادة المجد ورجال السيف والنيشان نموت أحرار ونفوس الغزاة تموت منهانه بدون قصور في كل القبايل حضرٍ وبدوان ماينكر فعل غيره .. غير من يشعر بنقصانه يمثّلنا ويرفع روسنا محمد إبن غيثان في الحد الجنوبي سطّر إسمه وأعتلى شانه نموذج للشجاعة وإمتداد لسيرة الشجعان صميدع راس في وجه العِدا ما خاب نيشانه له البيضا ترفرف من ذمار إلى جبل دخان إلى مأرِب إلى شبوه إلى الضالع وسكانه ولا ننسى إزملاه ومحزمه في ساحة الميدان مقابيس الوغى يخضع لهم شعري وقيفانه تعنّوا في رضاه وكل وافي فاللزوم يبان ولولا طيبهم ورضاه ما زاعوا على شانه هلا ياجيش ابو سلمان ورجال الملك سلمان هلا والعين فرحانه هلا والروح طربانه | ||
 |  |
