المصدر -
تقدم المحلل الاقتصادي والسياسي المصري البارز سامح أبو عرايس - مدير حملة عمر سليمان سابقًا -، والذي كان من أشد داعمي "السيسي" باعتذار للرئيس المعزول محمد مرسي ـ أول رئيس مدني منتخب ـ والإخوان قائلًا: "حاسس إننا ظلمناهم".
وقال "أبو عرايس" في تدوينة نشرها عبر صفحته الرسمية بـ "فيس بوك": "كلمتين عايز أقولهم في بداية السنة الجديدة علشان أريح ضميري .. بعد إقرار الحكومة للتنازل عن تيران وصنافير وإحالتها للبرلمان للتصديق عليها، كده يبقى كل اللي اتهمنا بيه مرسي وكنا خايفين إنه يعمله بيعمله حاليًا السيسي".
وأضاف: "كنا خايفين إن مرسي يتنازل عن جزء من سيناء، والنهاردة السيسي بيبيع البلد .. كنا خايفين إن مرسي يغرق مصر بالديون وينفذ أجندة صندوق النقد الدولي بخفض العملة وإلغاء الدعم، والنهاردة السيسي نفذ كل ده وأغرق مصر بالقروض الخارجية ووصّل الدولار لعشرين جنيه وبيلغي الدعم وعايز يبيع المستشفيات الحكومية كمان وكل أجندة صندوق النقد الدولي بينفذها بالحرف" حسب قوله.
وأردف: "كنا بنقول إن مرسي والإخوان هيقمعوا أي شخص يعارضهم ويعملوا فاشية باسم الدين ويبقى اللي بيعارضهم ضد الدين، والنهاردة السيسي ومؤيديه حولوا البلد إلى فاشية باسم الوطنية واللي يعارض السيسي يبقى ضد الجيش ويبقى خاين ويتشتم من الإعلام واللجان الإلكترونية وممكن يختفي قسريًا أو يُعتقل أو يتصفى في الشارع ..الحقيقة إن النظام الحالي بيعمل أبشع بكثير من اللي كنا خايفين إن الإخوان يعملوه .. علمًا بأن أغلب اللي هاجمنا مرسي علشانه كانت مخاوف وتوقعات يعني ماشفناش مرسي بيتنازل عن أرض فعليًا مثلًا وماشفناش ذبح للمعارضين في الشوارع زي اللي حصل في رابعة والنهضة وغيرها وماشفناش اختفاء قسري .. علشان كده حاسس فعلًا إننا ظلمنا مرسي والإخوان .. إحنا آسفين يا مرسي" حسب تعبيره.
