السوبيا
حنتكلم اليوم عن سوبيتنا المكاوية بأيادي ستات بيوت مكة.. دوق و قلنا رأيك ..و لا تنسى تدوق من شربيتنا الحجازي ..
يا سلام على السوبيا ...، خاصة لو كانت مركبة بأيادي ستات بيوت مكة .
لها عدة الوان ، حمرة و بيضة .. تسلم على القلب .. تعتبر السوبيا من أهم المشروبات المكية إلي ما تخلو منها سفرة الفطور الحجازي في شهر رمضان المبارك. سوبيتنا اليوم ليست من ملك السوبيا الخضري ، و ليست من أي محل في السوق ، وليست من البسطة، سوبيا بيتي ، من أيادي ستات بيوت مكة**.. تعالوا نعرف كيف طريقتها: أولاً نطحن العيش الناشف ، وممكن عملها بالشعير الصيفي بدل العيش الناشف ، ثم نضع العيش في السطل و تضيفه عليه نص ملعقة خميرة ، و بعدين نضيف الماء بمقدار معين ، و في النهاية نضيف عليها قرفة و هيل و شوية سكر، وتغطى وتترك للصباح ، وفي اليوم الثاني تصفى بالمصفاة في الجاك و ناخد ملعقة من الحتل ونضيفها للسوبيا اللي صفيناها ونضع قليل من القرفة والهيل فتعطيها طعم ونكهة ألذ ، و بالهناء و العافية .
ايضاً السفرة الرمضانية عمرانه بأحلى الشربيت الرمضاني مثل التوت والبرتقال المركز والقمر الدين والخشاف. (نورونونا وتعالوا أفطروا عندنا ودوقوا سوبياتنا الباردة اللي تسلم على القلب وتبل الريق بعد الصيام ).
