بسم الله الرحمن رب السموات ابلا عمد سبع شداد رفعها

ابدا بذكره في مطاليع الابيات هي عادة الشاعر ليامن بدعها

ذكره لعقلي نور ولشعري اصوات يدحر بها الشيطان لامن سمعها

وليابغيت اكتب عن الدار بالذات بنات فكري حايره من ولعها

لابيات شعر ولا كتابه روايات عيت دواوين الشعرلاتسعها

حب الوطن ماله حدود ونهايات والانتما للدار واللي نفعها

هو انتماء اوطان ولاديانات وبفطرته هذا السعودي جمعها

ماينكر الموطن سوى فاقدالذات وله خلايا خبث يمشي تبعها

ياجعلها بالمحق وتعود اشتات. ماعاد تعرف رخلها من جذعها

يحلم يحولها حروب ونزاعات الناكر اللي لقمته مابلعها

والله ولا يهنا ولاله طموحات في ذا الوطن لوله وجوه صنعها

من لاعجبّه الهرج يرحل وبسكات قولوا له ان عقولنا ماخدعها

هنا حماة الدين مهد الرسالات سيف العدل ليدين الاعدا قطعها

بقيادة ال سعود خير القيادات الشعب كله لو على الموت معها

ماهمنا تفكير حاسد وشمات اهل النقد عن فعلنا من منعها

افعالنا بانت وعندي لها اثبات هاذي شرور ايران منهو دفعها

نبني وطنا من حصاته ونقتات نقتات من خيرات ربٍ زرعها

وختامها حب الوطن كل الاوقات. اليوم مايكفي ولاهو قنعها