المصدر -  مشاعل آل حريول

ياللي بغيتوا الفخر .. اليوم ذا يومه
( يوم بدينـــا ) بتأسيس السعودية

والفرحة اللي بوجه الشعب مرسومه
عند السعـــودي أبــد ماهي بعاديــه

الشعب حب الوطن كنه من سلومة
ما مثل حب الوطن مع حب طاريه

كن سيرة المجد باسم الدار ملزومه
وبكفوف سلمـــان دار العـز مبنيــه

أبوه عبد العزيـــز مسطـــر عزومــه
من يومها بندق و شلفا وجنبيه

المجد لوله خشير وشخصن يسومه
أشوف سلمـــان كسابــه وراعيـــه

واليوم أمير الزعامة تسطع نجومه
محمد وريث الشجاعة ساعة الهيه

والعز كانه نشد عن موعـد قدومه
لأقول في يوم ( تأسيس السعودية )