قارب الصياد
قارب الصياد يمكن ما يكفّي
غير واحد قد رسم بالبحر خطّه
اقترب عدى على مهل وتخفّي
خايف و يحذر من ابراج المحطّه
قال يمكن ذاك هو اللي يوفّي
رافع المصباح قال ارجوك وطّه
رد محسوبك انا واحد اكفّي
يرتعد موج البحر مني وشطّه
قال وش تبغى وكل مالي بكفّي
تحت يدك لو تبيني لك احطّه
رد حلمي كان من مده وشفّي
جز راسك جنب رجلينك اقطّه
قال قانون الزعامه ان تصفّي
لا نويت اتجز راسي بس غطّه
يوم جزه جزة اسْيوفٍ تسفّي
قال انا مطلوب انفذ كل خِطّه
مثل هذا سيل دمه ما يجفّي
يوم أمر المافيا دايم تخطّه