يوميات زوجة مفروسة (قالوا للمتقاعداسكت وخذ ريال قال خذوا خمسه وخلوني اتكلم)
السلام عليكم يا حبايب
كيفكم ويش اخباركم
ها كيف عبيتوا للعيد ولا لسه.
اليوم راح احكيكم عن فرسة من فرساتي
بس هذي المراة. فرستي من ابو ايمن
ايوا ايوا ،،،، ابو ايمن لا تستغربوا كل الازواج بتخاصموا ويرجعوا يتصالحوا هذي كذا الحياة والخصام هو ملح الحياة الزوجية ،،،،
هذا يا حبايب قلبي ابو ايمن جاه التقاعد قبل كم سنة كذا قلنا خلاص بيفضى لنا ابو ايمن ونجدد عهود الزواج ونسافر مع بعض ونتونس دام البزورة كبروا
اااه ليته ماتقاعد ،،،، الحمدلله على كل حال قضى اخف من قضى.
الراجل انقلب ١٨٠٪ درجة. صاير عصبي بزيادة ويدخل عصه في شي ما يخصه حتى في الطبيخ يدخل نفسه ليه طبختي ذَا وليه حطيتي ذَا اللي كان ما يعلق على اَي شي وياكل اللي ينطبخ وينحط قدّامه ،،،
حتى البزورة. صار يتدخل في كل صغيرة وكبيرة فيهم لدرجة صاروا البزورة اول ما يشوفوا ابوهم في الصالة يشردوا على غرفهم زي الفيران
وكله كوم ولقافته لما ينخرب شي كوووم ثاني
يسوي فيها ابو العوريف ويجيب العدة ويحوس الدنيا. ويخرب العازة بعدين يروح يوديها تتصلح اوً يشتري شي جديد.
ولا اللمبات هرانا هررررانا في تطفية اللمبات طول ماهو ماشي يطفي في اللمبات ليه يا خويا كذا تخلينا نجلس في الظلمه الى الواحد تجي له الضيقة
وكله كوووم ولما تجيني عزيمة كوووم ثاني
الراجل يتلوق وجهه ويمد بوزه شبرين ويفضل طول ما انا في العزيمة يتصل متى تجي ليه اتاخرتي هيا تعالي عبي لي العشاء ماابغى الشغالة ولا بنتك يعبوه ما يعرفوا يسواو البيض زيك. لحد ما اجي
وأول ما اجي يقوم يدخل غرفة المكتب يجلس يقرا اوً يطلع غرفة النوم ينام. اهم شي أكون بالبيت
بس يا جماعة الخير انا فاااض بيا ومليت على قول ام كلثوم قلت ما بدها لازم اجلس أهرج واتفاهم معه
طلعت له وكان جالس في البلكونة مخدد كأن احد ميت له
جلست جنبه ومعي براد الشاي المنعنش
اللي يرد الروح وصبيت له كاسته وجلسنا كذا الى ان شفته روق. كلمته قلت له: يا ابو ايمن ايشبك كذا من تقاعدت وانت اتبدل حالك صرت طول النهار معصب وتدخل نفسك في كل شي حتى البزورة ما تكلمهم الا يخصام لحد ماصاروا ينفروا منك. حتى مؤسستك رامي المسئولية على اخوك والمحاسب لا تروح تشوف ايش صار فيها ولا شي الا هاج عليا وقال : ايش تبغيني اشوف الغلط واسكت يعني ولا عشان تقاعدت خلاص مالي قيمة ،،،رديت عليه: وه وه يا سيد الناس انت تظل سيد البيت وكلمتك هي المسموعة ولا احد يكسرلك كلمه. بس كمان ياسيدي لا تشد الحبل كثير يروح ينقطع اول كنت تتكلم مع البزورة وتناقشهم الى ان يقتنعوا دحين كل شي بالخناق معاهم وتخلي غلام الحارس يراقب لك هما وهذا كمان المجرم. (خاتم بفصه كل شي يرصه) ما يخلي شي الا يقولوا لك حتى انه اتجراء على الأولاد. ما يصير كذا يا حبيبي
التقاعد مو اخر المطاف تقدر تداوم في المؤسسة حقتك وتنتبه لحلالك روح زور اصحابك واجتمع معهم على الأقل مرة في الشهر. اشترك في النادي شوف من القعدة وزنك زاد وكرشتك طلعت رد عليا :الله ياام ايمن يعني دحين صرت بكرش وعجزت ضحكت وقلت له : يا حبيبي انت راح تفضل في عيوني ابو ايمن زوجي وحبيبي وأبويا وأخويا والله لمصلحتك على الأقل ما تبغى تروح نادي نخرج انا وانت نمشي في البحر كل يوم ولا نسافر نغير جو ونعيد زكرياتنا الحلوة مع بعض يعني انا ما وحشتك جلستي معاكولا كيف ؟،،،،،. سكت كذا وكأنه قلبها في عقله وهديي كذا وقالي : شورتك وهداية الله يا ام ايمن من بكرة بروح المؤسسة واشوف كيف الأمور قلت له :ايوا كذا هذا ابو ايمن الاولي عشيري ابو عيالي ربي يحفظك لنا وبلاشي حبيبي من تسكيراللمبات قلبنا غمبج من النور الواطئ وجلسنا نضحك
والحمدلله رجعت الضحكة لبيتنا ورجع ابو ايمن الأولي اللي كان وجهه شاق الضحكه شق ،،، لكنه ما بطل من تسكير اللمبات اااه يا مررري
يا جماعة الخير التقاعد مو نهاية المطاف بالعكس هي حياة جديدة للواحد يجرب أشياء جديدة في حياته يشترك في نادي وينضم الى فرق تطوعية ويعمل مشروع جديد يشغل نفسه فيه وكمان يحسّن من دخله خصوصا اللي رواتبهم قليلة.
ويجددشبابه بس ما يجددشبابه بزواجه وهذي فرسه ثانية راح احكيكم عليها بكرة ودحين بروح الحق صلاة التهجد هيا اقعدوا بالعافية
كيفكم ويش اخباركم
ها كيف عبيتوا للعيد ولا لسه.
اليوم راح احكيكم عن فرسة من فرساتي
بس هذي المراة. فرستي من ابو ايمن
ايوا ايوا ،،،، ابو ايمن لا تستغربوا كل الازواج بتخاصموا ويرجعوا يتصالحوا هذي كذا الحياة والخصام هو ملح الحياة الزوجية ،،،،
هذا يا حبايب قلبي ابو ايمن جاه التقاعد قبل كم سنة كذا قلنا خلاص بيفضى لنا ابو ايمن ونجدد عهود الزواج ونسافر مع بعض ونتونس دام البزورة كبروا
اااه ليته ماتقاعد ،،،، الحمدلله على كل حال قضى اخف من قضى.
الراجل انقلب ١٨٠٪ درجة. صاير عصبي بزيادة ويدخل عصه في شي ما يخصه حتى في الطبيخ يدخل نفسه ليه طبختي ذَا وليه حطيتي ذَا اللي كان ما يعلق على اَي شي وياكل اللي ينطبخ وينحط قدّامه ،،،
حتى البزورة. صار يتدخل في كل صغيرة وكبيرة فيهم لدرجة صاروا البزورة اول ما يشوفوا ابوهم في الصالة يشردوا على غرفهم زي الفيران
وكله كوم ولقافته لما ينخرب شي كوووم ثاني
يسوي فيها ابو العوريف ويجيب العدة ويحوس الدنيا. ويخرب العازة بعدين يروح يوديها تتصلح اوً يشتري شي جديد.
ولا اللمبات هرانا هررررانا في تطفية اللمبات طول ماهو ماشي يطفي في اللمبات ليه يا خويا كذا تخلينا نجلس في الظلمه الى الواحد تجي له الضيقة
وكله كوووم ولما تجيني عزيمة كوووم ثاني
الراجل يتلوق وجهه ويمد بوزه شبرين ويفضل طول ما انا في العزيمة يتصل متى تجي ليه اتاخرتي هيا تعالي عبي لي العشاء ماابغى الشغالة ولا بنتك يعبوه ما يعرفوا يسواو البيض زيك. لحد ما اجي
وأول ما اجي يقوم يدخل غرفة المكتب يجلس يقرا اوً يطلع غرفة النوم ينام. اهم شي أكون بالبيت
بس يا جماعة الخير انا فاااض بيا ومليت على قول ام كلثوم قلت ما بدها لازم اجلس أهرج واتفاهم معه
طلعت له وكان جالس في البلكونة مخدد كأن احد ميت له
جلست جنبه ومعي براد الشاي المنعنش
اللي يرد الروح وصبيت له كاسته وجلسنا كذا الى ان شفته روق. كلمته قلت له: يا ابو ايمن ايشبك كذا من تقاعدت وانت اتبدل حالك صرت طول النهار معصب وتدخل نفسك في كل شي حتى البزورة ما تكلمهم الا يخصام لحد ماصاروا ينفروا منك. حتى مؤسستك رامي المسئولية على اخوك والمحاسب لا تروح تشوف ايش صار فيها ولا شي الا هاج عليا وقال : ايش تبغيني اشوف الغلط واسكت يعني ولا عشان تقاعدت خلاص مالي قيمة ،،،رديت عليه: وه وه يا سيد الناس انت تظل سيد البيت وكلمتك هي المسموعة ولا احد يكسرلك كلمه. بس كمان ياسيدي لا تشد الحبل كثير يروح ينقطع اول كنت تتكلم مع البزورة وتناقشهم الى ان يقتنعوا دحين كل شي بالخناق معاهم وتخلي غلام الحارس يراقب لك هما وهذا كمان المجرم. (خاتم بفصه كل شي يرصه) ما يخلي شي الا يقولوا لك حتى انه اتجراء على الأولاد. ما يصير كذا يا حبيبي
التقاعد مو اخر المطاف تقدر تداوم في المؤسسة حقتك وتنتبه لحلالك روح زور اصحابك واجتمع معهم على الأقل مرة في الشهر. اشترك في النادي شوف من القعدة وزنك زاد وكرشتك طلعت رد عليا :الله ياام ايمن يعني دحين صرت بكرش وعجزت ضحكت وقلت له : يا حبيبي انت راح تفضل في عيوني ابو ايمن زوجي وحبيبي وأبويا وأخويا والله لمصلحتك على الأقل ما تبغى تروح نادي نخرج انا وانت نمشي في البحر كل يوم ولا نسافر نغير جو ونعيد زكرياتنا الحلوة مع بعض يعني انا ما وحشتك جلستي معاكولا كيف ؟،،،،،. سكت كذا وكأنه قلبها في عقله وهديي كذا وقالي : شورتك وهداية الله يا ام ايمن من بكرة بروح المؤسسة واشوف كيف الأمور قلت له :ايوا كذا هذا ابو ايمن الاولي عشيري ابو عيالي ربي يحفظك لنا وبلاشي حبيبي من تسكيراللمبات قلبنا غمبج من النور الواطئ وجلسنا نضحك
والحمدلله رجعت الضحكة لبيتنا ورجع ابو ايمن الأولي اللي كان وجهه شاق الضحكه شق ،،، لكنه ما بطل من تسكير اللمبات اااه يا مررري
يا جماعة الخير التقاعد مو نهاية المطاف بالعكس هي حياة جديدة للواحد يجرب أشياء جديدة في حياته يشترك في نادي وينضم الى فرق تطوعية ويعمل مشروع جديد يشغل نفسه فيه وكمان يحسّن من دخله خصوصا اللي رواتبهم قليلة.
ويجددشبابه بس ما يجددشبابه بزواجه وهذي فرسه ثانية راح احكيكم عليها بكرة ودحين بروح الحق صلاة التهجد هيا اقعدوا بالعافية