يوميات زوجة مفروسة "طقوس رمضانية"
السلام عليكم يا حبايب ايش اخباركم ؟
رمضان بداء يشيل عزاله والناس همها على بطنها
وهذي فرستي الجديدة.،،،
صلوعلى الحبيب المختارعليه السلام
هذا يا جماعة الخير من يوم ما يقولوا رمضان. وتبداء البسطات تنتشر في كل مكان. ايشي كبدة وايشي بطاطس مقلية وايشي منتو حق اليماني وغير بسطات المحلات. كل المحلات تسوي بسطة قدام محلها واشكال وألوان من الحلويات وغير السيارات حقت السوبيا سوبيا خضري وسىوبيا عراقي وغيره وغيرة حتى حق البنشر يعمل بسطة ويبيع عصير زيت فرامل
وغير الأسر المنتجة هذي ورق عنب وهذي كرنب وهذي كشري شي يجيب التخمة
ويفرشوا لك طرابيزات وشئ مرستك والأقمشة الحمراء اللي تنتشرفي كل مكان حتى في البيوت وادوات المنزل
تقولوا احنا داخلين عزا في مصر
ايش ذَا يا هوا ايش البهرجة ذي
انا مو فارسني الا البسطات في محلات الاسواق خصوصا جهة البلد تاخذ مساحة في مواقف السيارات يصير الواحد مايعرف حتى يوقف سيارته ويضرب ذاك المشوار على ما يوصل المكان اللي يبغاة من كثر البسطات
ايوا رمضان كريم ورزقه واسع. والرزق يحب الخفية بس والله مو للدرجة ذي
يعني لو ما اكلنا من فًول خلوفة نموت ولا تجينا حرقص تروحوا محل الفوال تشوفوا صف طويل عريض غير المضاربات اللي تصير عليه ولا كان الواحد صايم
غيروا وغبروا
وكله كوم عاد وفرستي من ابو ايمن كووووم ثاني يا مري يا مراري
اتعودت اطلع مع ابو ايمن العصرية نجيب سحيرة. ها هيا شوفوا بس سحيرة وننزل البلد عند مخبزالكعكي وتشوفوا البسطات اشكال ألوان وينزل ابو ايمن ويغيييب ويجيني محمل مزمل اكياس. ايش معجنات ايش ورق عنب ايش مشبك. ايش سوبيا
وي وي يا راجل والاكل اللي في البيت لمين
يقوم يزغرلي بنص عين ويقولي يعني ما اشتهي ،، رديت عليه أشتهي يا خويا بس الخير الحمدلله في البيت كثير وكمان حتى لو نفسك في شي جيب على قدك مو تجيب شي وشويات. ،،،الا نَفَر فيا ذيك النفرة. وقال هيا اهجدي وصومي يا حرمة ،،، وي انا ايش قلت والله يا جماعة الخير بلعت لساني في حلقي عشان لا يهوج عليا لأحسن هوا لما يكون صايم. بِسْم الله الرحمن الرحيم يشيل طيران عبدالقادر. كأن محد صام غيره. وحكيتكم قبل كذا عنه
والله ونرجع البيت واحط السفرة والإكل من كل صنف ولون وما يأكل الا الفول وشوربة الحب وحبتين بف. طيب والاكل اللي جبته يا راجل يقوم يقولي بعدين بعدين ،،،،، والله انا ما اكذب خبر اكلم الحارس حقنا وأعطيه الاكل الزايد ياكله هوا والحراس عليهم بالعافية بدل ما يترمي وصرفيات
زايدة.
والتقليد اللي مو طبيعي. هذا يفتح بسطة بليلة تلاقي ثاني يوم فتحوا جنبه عشرة
وه الواحد حتى يصير يكره نعمة ربي من كثر ماهي مرطرطة
عادوالكبدة وما أدراكم. ما الكبدة مدري من فين يجبوها تحسوا الواحد من كثر ما يأكل كبدة يتحول لأسد
يل جماعة الخير طقوس رمضان حلوة بس مو كذا بزيادة في كل شي. لان الشي ان زاد عن حدة انقلب ضدة
زمان كانت طقوسنا نطعم جيرانا من اكلنا ونشعل الاتاريك في الليل ونتونس على المنفوش والمشبك. ويقومنا المسحراتي لسحورنا ونتسحر سوقدانه ومهلبية
زمان الله على ايّام زمان ليت زمان يرجع
وهذي كانت فرستي يا جماعة الخير لليوم
هيا اقعدوا بالعافية
رمضان بداء يشيل عزاله والناس همها على بطنها
وهذي فرستي الجديدة.،،،
صلوعلى الحبيب المختارعليه السلام
هذا يا جماعة الخير من يوم ما يقولوا رمضان. وتبداء البسطات تنتشر في كل مكان. ايشي كبدة وايشي بطاطس مقلية وايشي منتو حق اليماني وغير بسطات المحلات. كل المحلات تسوي بسطة قدام محلها واشكال وألوان من الحلويات وغير السيارات حقت السوبيا سوبيا خضري وسىوبيا عراقي وغيره وغيرة حتى حق البنشر يعمل بسطة ويبيع عصير زيت فرامل
وغير الأسر المنتجة هذي ورق عنب وهذي كرنب وهذي كشري شي يجيب التخمة
ويفرشوا لك طرابيزات وشئ مرستك والأقمشة الحمراء اللي تنتشرفي كل مكان حتى في البيوت وادوات المنزل
تقولوا احنا داخلين عزا في مصر
ايش ذَا يا هوا ايش البهرجة ذي
انا مو فارسني الا البسطات في محلات الاسواق خصوصا جهة البلد تاخذ مساحة في مواقف السيارات يصير الواحد مايعرف حتى يوقف سيارته ويضرب ذاك المشوار على ما يوصل المكان اللي يبغاة من كثر البسطات
ايوا رمضان كريم ورزقه واسع. والرزق يحب الخفية بس والله مو للدرجة ذي
يعني لو ما اكلنا من فًول خلوفة نموت ولا تجينا حرقص تروحوا محل الفوال تشوفوا صف طويل عريض غير المضاربات اللي تصير عليه ولا كان الواحد صايم
غيروا وغبروا
وكله كوم عاد وفرستي من ابو ايمن كووووم ثاني يا مري يا مراري
اتعودت اطلع مع ابو ايمن العصرية نجيب سحيرة. ها هيا شوفوا بس سحيرة وننزل البلد عند مخبزالكعكي وتشوفوا البسطات اشكال ألوان وينزل ابو ايمن ويغيييب ويجيني محمل مزمل اكياس. ايش معجنات ايش ورق عنب ايش مشبك. ايش سوبيا
وي وي يا راجل والاكل اللي في البيت لمين
يقوم يزغرلي بنص عين ويقولي يعني ما اشتهي ،، رديت عليه أشتهي يا خويا بس الخير الحمدلله في البيت كثير وكمان حتى لو نفسك في شي جيب على قدك مو تجيب شي وشويات. ،،،الا نَفَر فيا ذيك النفرة. وقال هيا اهجدي وصومي يا حرمة ،،، وي انا ايش قلت والله يا جماعة الخير بلعت لساني في حلقي عشان لا يهوج عليا لأحسن هوا لما يكون صايم. بِسْم الله الرحمن الرحيم يشيل طيران عبدالقادر. كأن محد صام غيره. وحكيتكم قبل كذا عنه
والله ونرجع البيت واحط السفرة والإكل من كل صنف ولون وما يأكل الا الفول وشوربة الحب وحبتين بف. طيب والاكل اللي جبته يا راجل يقوم يقولي بعدين بعدين ،،،،، والله انا ما اكذب خبر اكلم الحارس حقنا وأعطيه الاكل الزايد ياكله هوا والحراس عليهم بالعافية بدل ما يترمي وصرفيات
زايدة.
والتقليد اللي مو طبيعي. هذا يفتح بسطة بليلة تلاقي ثاني يوم فتحوا جنبه عشرة
وه الواحد حتى يصير يكره نعمة ربي من كثر ماهي مرطرطة
عادوالكبدة وما أدراكم. ما الكبدة مدري من فين يجبوها تحسوا الواحد من كثر ما يأكل كبدة يتحول لأسد
يل جماعة الخير طقوس رمضان حلوة بس مو كذا بزيادة في كل شي. لان الشي ان زاد عن حدة انقلب ضدة
زمان كانت طقوسنا نطعم جيرانا من اكلنا ونشعل الاتاريك في الليل ونتونس على المنفوش والمشبك. ويقومنا المسحراتي لسحورنا ونتسحر سوقدانه ومهلبية
زمان الله على ايّام زمان ليت زمان يرجع
وهذي كانت فرستي يا جماعة الخير لليوم
هيا اقعدوا بالعافية