يوميات زوجة مفروسة (وفر من شبعك لجوعك تسلم سؤال الناس وخضوعك)
السلام عليكم يا حبايب
كيفكم وكيف رمضان معاكم
سبحان الله الأيام تجري كنها ريح قبل كم يوم نقول كل سنة وانتوا طيبين بحلول رمضان دحين خلاص مابقى منه الا القليل
المهم بحكيكم اليوم على فرستي لليوم
هذا يا جماعة الخير جوز اخت ابو ايمن اللي حكيتكم عنه امس
هوا راجل الصراحة طيب بس انه درويش كذا حبتين. ويغرق في شبر موية وفوق كذا يقرب لأبو ايمن يصير ولد خالته
الراجل ذَا ما كمل تعليمه واتوظف كذا وظيفة كاتب في الصحة آدمي عايش بالبركة كذا ،،،،بالعربي كذا مو مرتب حياته وعايش على مثل (اصرف ما في الجيب يأتيك مافي الغيب )ما يجي عليه نص الشهر الا قد مخلص راتبه ويبدا يدور على المعارف والاهل يتسلف من ذَا مية ومن ذَا خمسمية حياته كلها سلف في سلف
وَيَا ريت يتسلف ويرجع لااا ذَا يصهين ولا يردالسلف وخصوصا لما يتسلف من ابو ايمن لانه عارف ان ابو ايمن من النوع اللي مايطالب وكمان الله يحميه مقتدرعندنا اللي مكفينا وكل سنه أو سنتين لهم جار يجلسوا سنه والسنه الثانية ما يدفعوا الايجار ويخرجهم صاحب البيت
يومها جاتني اخت ابو ايمن تشكي لي الحال وأنهم تعبوا من النقل كل شوية وجات تفاتحني تبغاني اتوسط لها عند اخويا عشان يسكنوا في عمارته قمت قلت لها : والله على عيني ياختي بس اخويا شويه نعت عنده شروط على المستأجرين وما أبغى لك احراج (بيني وبينكم خفت اتزرا مع اخويا ويروحوا ما يدفعوا الايجار وانا أكون في وجة المدفع فقلت اقطع وأوصل من عندي ). قمت قلت لها انتي جوزك ليه ما ياخذ قرض من البنك عشان تشتروا لكم شقة أو فيلا
قامت قالت : والله فكرنا بس لما رحت شفت اكثر البيوت والشقق غرفها قد حق الصلصة ،،قلت لها :مافي مشكله يا حبيتي على قول المثل بيت قد المرايا ولا كل شوية بكرايةقامت من عندي وهي مقموصه وراحت بيتها
عدت كم شهر الا يوم واحنا جالسين العصر نشرب ذاك الشاي اللي بالحبق اللي يحبه قلبكم نسمع جرس البيت يدق وراء بعض وتدخل اخت ابو ايمن تبكي وتصيح قلت لها : ايشبك يا حرمة صلي على النبي ايش فيه صار شي ؟!قامت تكلم ابو ايمن :الحق عليا يااخويا مالي غيرك. جوزي الشرطة جات شالته من البيت الدايانه اشتكوا
والله ابو ايمن ما كذب خبر أخذ سيارته وطيارة على الشرطة
طلع الراجل متسلف من طوب الارض وديونه طلعت فوق ٢٥٠ الف.ريال.
جاء ابو ايمن متنكد من اللي عرفه. ويحاول يشوف حل للمشكلة ذي وجلسنا نحاول نلم له من اهل الخير بس ماقدرنا نكمل المبلغ.
وجلس هوا ضعيف الله في السجن ابو ثلاثة شهور الى ان جاء رمضان وشمله العفو لانه سدد نص المبلغ اللي عليه
لما خرج الراجل قلت لا ابو ايمن انت لازم تتكلم مع جوز اختك وتنصحه وتفهمه ان هذا الشي ما يصير مو تسكت ولا تتكلم وتفرسني بسكوتك وتقول كلمتك المعهودة امر الله من سعة. والله شكل ابو ايمن مفقوعة مرارته وناده وجلس يهرج معه وفهمه انه الواحد لازم يمد رجلة على قد لحافة مو يجلس يصرف عمال على بطال ولازم يوفر ويعمل مستقبل لبزورته السنه يا حافظ لا وفِي سابع جاي في الطريق الله يبارك لهم في بزورتهم والله وحبيبي ابو ايمن قدم له مساعدة قال له : بعطيكم شقة في العمارة حقتي بإيجار رمزي عشان تقدروا تكونوا نفسكم وتأمنوا مستقبل اولادكم ،،،،
والله يا جماعة الخير الراجل كأنه ندمان على فعايله الاولى والحمدلله تغير حالهم الى احسن حال والحمدلله نقلوا في بيتهم الملك واعتبروا من اللي صار لهم زمان
العبرة يا جماعة الخير ان الواحد لازم مايبذر في المصاريف ويحاول انه يعمل ميزانية لمصروفاته عشان يوفر ويأمن مستقبل أولاده
وكانت هذي يا حبايبي فرستي لليوم ويلا اشوفكم على خير في فرسه من فرساتي
كيفكم وكيف رمضان معاكم
سبحان الله الأيام تجري كنها ريح قبل كم يوم نقول كل سنة وانتوا طيبين بحلول رمضان دحين خلاص مابقى منه الا القليل
المهم بحكيكم اليوم على فرستي لليوم
هذا يا جماعة الخير جوز اخت ابو ايمن اللي حكيتكم عنه امس
هوا راجل الصراحة طيب بس انه درويش كذا حبتين. ويغرق في شبر موية وفوق كذا يقرب لأبو ايمن يصير ولد خالته
الراجل ذَا ما كمل تعليمه واتوظف كذا وظيفة كاتب في الصحة آدمي عايش بالبركة كذا ،،،،بالعربي كذا مو مرتب حياته وعايش على مثل (اصرف ما في الجيب يأتيك مافي الغيب )ما يجي عليه نص الشهر الا قد مخلص راتبه ويبدا يدور على المعارف والاهل يتسلف من ذَا مية ومن ذَا خمسمية حياته كلها سلف في سلف
وَيَا ريت يتسلف ويرجع لااا ذَا يصهين ولا يردالسلف وخصوصا لما يتسلف من ابو ايمن لانه عارف ان ابو ايمن من النوع اللي مايطالب وكمان الله يحميه مقتدرعندنا اللي مكفينا وكل سنه أو سنتين لهم جار يجلسوا سنه والسنه الثانية ما يدفعوا الايجار ويخرجهم صاحب البيت
يومها جاتني اخت ابو ايمن تشكي لي الحال وأنهم تعبوا من النقل كل شوية وجات تفاتحني تبغاني اتوسط لها عند اخويا عشان يسكنوا في عمارته قمت قلت لها : والله على عيني ياختي بس اخويا شويه نعت عنده شروط على المستأجرين وما أبغى لك احراج (بيني وبينكم خفت اتزرا مع اخويا ويروحوا ما يدفعوا الايجار وانا أكون في وجة المدفع فقلت اقطع وأوصل من عندي ). قمت قلت لها انتي جوزك ليه ما ياخذ قرض من البنك عشان تشتروا لكم شقة أو فيلا
قامت قالت : والله فكرنا بس لما رحت شفت اكثر البيوت والشقق غرفها قد حق الصلصة ،،قلت لها :مافي مشكله يا حبيتي على قول المثل بيت قد المرايا ولا كل شوية بكرايةقامت من عندي وهي مقموصه وراحت بيتها
عدت كم شهر الا يوم واحنا جالسين العصر نشرب ذاك الشاي اللي بالحبق اللي يحبه قلبكم نسمع جرس البيت يدق وراء بعض وتدخل اخت ابو ايمن تبكي وتصيح قلت لها : ايشبك يا حرمة صلي على النبي ايش فيه صار شي ؟!قامت تكلم ابو ايمن :الحق عليا يااخويا مالي غيرك. جوزي الشرطة جات شالته من البيت الدايانه اشتكوا
والله ابو ايمن ما كذب خبر أخذ سيارته وطيارة على الشرطة
طلع الراجل متسلف من طوب الارض وديونه طلعت فوق ٢٥٠ الف.ريال.
جاء ابو ايمن متنكد من اللي عرفه. ويحاول يشوف حل للمشكلة ذي وجلسنا نحاول نلم له من اهل الخير بس ماقدرنا نكمل المبلغ.
وجلس هوا ضعيف الله في السجن ابو ثلاثة شهور الى ان جاء رمضان وشمله العفو لانه سدد نص المبلغ اللي عليه
لما خرج الراجل قلت لا ابو ايمن انت لازم تتكلم مع جوز اختك وتنصحه وتفهمه ان هذا الشي ما يصير مو تسكت ولا تتكلم وتفرسني بسكوتك وتقول كلمتك المعهودة امر الله من سعة. والله شكل ابو ايمن مفقوعة مرارته وناده وجلس يهرج معه وفهمه انه الواحد لازم يمد رجلة على قد لحافة مو يجلس يصرف عمال على بطال ولازم يوفر ويعمل مستقبل لبزورته السنه يا حافظ لا وفِي سابع جاي في الطريق الله يبارك لهم في بزورتهم والله وحبيبي ابو ايمن قدم له مساعدة قال له : بعطيكم شقة في العمارة حقتي بإيجار رمزي عشان تقدروا تكونوا نفسكم وتأمنوا مستقبل اولادكم ،،،،
والله يا جماعة الخير الراجل كأنه ندمان على فعايله الاولى والحمدلله تغير حالهم الى احسن حال والحمدلله نقلوا في بيتهم الملك واعتبروا من اللي صار لهم زمان
العبرة يا جماعة الخير ان الواحد لازم مايبذر في المصاريف ويحاول انه يعمل ميزانية لمصروفاته عشان يوفر ويأمن مستقبل أولاده
وكانت هذي يا حبايبي فرستي لليوم ويلا اشوفكم على خير في فرسه من فرساتي
المقال برعاية
