يوميات زوجة مفروسة " قلبي علو ولدي انفطر وقلب ولدي عليا حجر "
السلام عليكم
كيفكم يا حبايب القلب عساكم بخير
معليش اعزروني اليوم تأخرت عليكم
في هرجتي وفرستي حقت اليوم
جاية اليوم أهرج عن التربية ورضى الوالدين
لاحظت في الفترة الأخير ان قيمة الأب والام قلت عند بعض الأولاد ربي يحفظ لنا عيالنا
تحسوا كذا مافي احترام ولا هيبة للأب ولا حتى للام
زمان كنّا لازم اول ما نقوم من النوم نسلم على يد ورأس والدينا ولما نجلس على السفرة ما نجلس قبل والدينا كان ابويا رحمة الله عليه يجلس في صدر السفرة وامي الله يرحمها تجلس جنبه تمد له الاكل وتراعية ولا نقدر نمد يدنا الا لما هما يبدوا من زود الهيبة والاحترام
ايييه على ايّام زمان
دحين يا ندامتي الولد ولا البنت يقوموا بِسْم الله الرحمن الرحيم قايمين الى يدهم الشمال والبوز سته شبر حتى صباح الخيرما يقولوها ووتحسوا كذا كانهم متخاصمين كل واحد يأكل لحالة
زمان كانا نستنى ابويا يجلس في الصاله وبعدها نجلس في أماكنا دحين الأبواب يدخل نلاقي الولد متسلقح على الكنبة كانه نفاس البعيد مافي حياء ولا خشى يا لطيف حتى لما يتكلموا مافي كلمة حضرتك ولا لو سمحت ولا من فضلك
ذيك النهاركنت عند اختي شفت العجب العجاب واحنا جالسين. نتهرج الاتدخل بنتها افنان وهيا لابسة عبايتهاوهي واقفه من عند الباب تقول لامها ؛ ماما انا رايحة مع صحباتي الكوفي قامت أمها تقول له : انتي ما قلتي لي الاردت عليها كذا كانها صحبتها : أهو عرفتي دحين. يلا سلام. قامت امها طيب قلتي لابوكي ؟ قامت قالت لا ما قلت له انتي قولي له يلاسلام ،،،،، وي وي وي يا مصيبتي بس فاااض بيا قمت اندرت على اختي وقلت لها : تعالي هنا يا حرمة انتي كيف ربيتي عيالك كيف تسمحي لهم يتعاملوا معاكي كذا لا في احترام ولاهيبة قامت اختي تتلعثم في الهرج وتقولي : لا تاخذي في في بالك عادي يعني نعطيهم حرية وثقة وعلى قول المثل ان كبرك ابنك خاوية قلت لها ايوا صح نخاوية بس لازم الاحترام. مافي هيبة يا حبيبتي لكي كانك خشية باب كفاية ذاك النهار ولدك قهرني وهوا جالس يتفلسف عليكي وانتوا بتتكلموا على وظيفته قام قالك خلاص نقيطينا بسكاتك
اسمعي يا اختي حطي الكلام ذَا حلق في اذنك المثل يقول ربي ولدك ولو زعلت أمه
ايوا نعطيهم حرية ونصادقهم بس ما نخليهم يتعدوا علينا ذي الجنة تحت اقدام الأمهات
وجوزك كمان كذا زي اليروطة بس طول وقته يدلع في الأولاد ويجلس يفك فمه من الضحك كانه سيد قشطة لما أولاده ينادوه يقولوا له الدب الداشر
هذي ما هي ان كبرت ابنك خاوية هذي اني كبر ابنك. قل أدبه
لازم تجلسي مع بزورتك وتفهميهم انه لآزم الاحترام لكي انتي وأبوهم لازم
فهميهم انه العقوق وعدم الاحترام ممكن اولادهم لا سمح الله يسووا زيكم
على رأي المثل الدنيا دوارة
ردت عليا اختي وقالت والله معاكي حق اختي ام ايمن ربي ما يحرمنا منك يا ام عقل راجح وقلب ابيض
عاد انا انتفخت من مدحها ليا ههههه
لازم يا جماعة الخير من هما صغار يتعلموا الاحترام وهيبة للاب لازم يعرفوا انه حتى رفع الصوت يكون نوع من انواع العقوق فما بالكم. بالسب ولا لا سمح الله الضرب الله يقوله
البزرة من هو صغير لما يجي يضرب ابوه أو امه وهوا ابو سنه أو سنتين لازم تمسكي يده وتقولوا له عيب ماماحبيبي أو بابا حبيبي ومرة في مرة يتعلم الأدب والاحترام مو مع امه وابوه مع الكل
كانت ذي فرسة من فرساتي واشوفكم الى خير خلوني الحق سحوري
كيفكم يا حبايب القلب عساكم بخير
معليش اعزروني اليوم تأخرت عليكم
في هرجتي وفرستي حقت اليوم
جاية اليوم أهرج عن التربية ورضى الوالدين
لاحظت في الفترة الأخير ان قيمة الأب والام قلت عند بعض الأولاد ربي يحفظ لنا عيالنا
تحسوا كذا مافي احترام ولا هيبة للأب ولا حتى للام
زمان كنّا لازم اول ما نقوم من النوم نسلم على يد ورأس والدينا ولما نجلس على السفرة ما نجلس قبل والدينا كان ابويا رحمة الله عليه يجلس في صدر السفرة وامي الله يرحمها تجلس جنبه تمد له الاكل وتراعية ولا نقدر نمد يدنا الا لما هما يبدوا من زود الهيبة والاحترام
ايييه على ايّام زمان
دحين يا ندامتي الولد ولا البنت يقوموا بِسْم الله الرحمن الرحيم قايمين الى يدهم الشمال والبوز سته شبر حتى صباح الخيرما يقولوها ووتحسوا كذا كانهم متخاصمين كل واحد يأكل لحالة
زمان كانا نستنى ابويا يجلس في الصاله وبعدها نجلس في أماكنا دحين الأبواب يدخل نلاقي الولد متسلقح على الكنبة كانه نفاس البعيد مافي حياء ولا خشى يا لطيف حتى لما يتكلموا مافي كلمة حضرتك ولا لو سمحت ولا من فضلك
ذيك النهاركنت عند اختي شفت العجب العجاب واحنا جالسين. نتهرج الاتدخل بنتها افنان وهيا لابسة عبايتهاوهي واقفه من عند الباب تقول لامها ؛ ماما انا رايحة مع صحباتي الكوفي قامت أمها تقول له : انتي ما قلتي لي الاردت عليها كذا كانها صحبتها : أهو عرفتي دحين. يلا سلام. قامت امها طيب قلتي لابوكي ؟ قامت قالت لا ما قلت له انتي قولي له يلاسلام ،،،،، وي وي وي يا مصيبتي بس فاااض بيا قمت اندرت على اختي وقلت لها : تعالي هنا يا حرمة انتي كيف ربيتي عيالك كيف تسمحي لهم يتعاملوا معاكي كذا لا في احترام ولاهيبة قامت اختي تتلعثم في الهرج وتقولي : لا تاخذي في في بالك عادي يعني نعطيهم حرية وثقة وعلى قول المثل ان كبرك ابنك خاوية قلت لها ايوا صح نخاوية بس لازم الاحترام. مافي هيبة يا حبيبتي لكي كانك خشية باب كفاية ذاك النهار ولدك قهرني وهوا جالس يتفلسف عليكي وانتوا بتتكلموا على وظيفته قام قالك خلاص نقيطينا بسكاتك
اسمعي يا اختي حطي الكلام ذَا حلق في اذنك المثل يقول ربي ولدك ولو زعلت أمه
ايوا نعطيهم حرية ونصادقهم بس ما نخليهم يتعدوا علينا ذي الجنة تحت اقدام الأمهات
وجوزك كمان كذا زي اليروطة بس طول وقته يدلع في الأولاد ويجلس يفك فمه من الضحك كانه سيد قشطة لما أولاده ينادوه يقولوا له الدب الداشر
هذي ما هي ان كبرت ابنك خاوية هذي اني كبر ابنك. قل أدبه
لازم تجلسي مع بزورتك وتفهميهم انه لآزم الاحترام لكي انتي وأبوهم لازم
فهميهم انه العقوق وعدم الاحترام ممكن اولادهم لا سمح الله يسووا زيكم
على رأي المثل الدنيا دوارة
ردت عليا اختي وقالت والله معاكي حق اختي ام ايمن ربي ما يحرمنا منك يا ام عقل راجح وقلب ابيض
عاد انا انتفخت من مدحها ليا ههههه
لازم يا جماعة الخير من هما صغار يتعلموا الاحترام وهيبة للاب لازم يعرفوا انه حتى رفع الصوت يكون نوع من انواع العقوق فما بالكم. بالسب ولا لا سمح الله الضرب الله يقوله
البزرة من هو صغير لما يجي يضرب ابوه أو امه وهوا ابو سنه أو سنتين لازم تمسكي يده وتقولوا له عيب ماماحبيبي أو بابا حبيبي ومرة في مرة يتعلم الأدب والاحترام مو مع امه وابوه مع الكل
كانت ذي فرسة من فرساتي واشوفكم الى خير خلوني الحق سحوري