يوميات زوجة مفروسة " أهل الكيف بطلوه والجن جاوا استلقوه "
السلام عليكم يا حبايب
كيف حال فؤادكم الصائم. ان شاء الله على النعيم دايم
هيا صلوا على النبي وزيدوا عليه صلاة
فرسة الْيَوْمَ غييير. غييير. يمكن إنتوا مرت عليكم ذي الفرسة زي ماانا انفرس دائماً
ابو ايمن. يا جماعة الخير. ،،، الله يجعل كلامي خفيف عليه. من اخذته. وانا جاهلة وهوا يدخن حاله حال الناس
بس لما يجي رمضان نعلن حالة الطوارى بِسْم الله الرحمن الرحيم. الراجل يصير واحد ثاني من الصبح لما يروح الدوام كشرته ممليه وجهه حتى سلام الله ما يقوله ،،،
كأنه احد قاتله قتيل اول كنت اتصل عليه في العمل اذا نبغى طلبات ولا نواقص في البيت يا جماعة الخير يكلمني كأني عدوته وياويلنا وسواد ليلنا لو نسيت طلب وجاء واطلبه. الراجل طول ماهو صايم شايل طيران عبدالقادر على راْسه الى ان يأذن المغرب ويفك ريقه ويقوم يجري يشرب دخانه قبل لا يروح المسجد وبعدها يروح يصلي يرجع واحد ثاني الضحكة شاقة الوجه ويتكلم ويضحك ولا كأنه هذاك الكشري اللي كان قبل المغرب لا واللي زاد
مرة خرجت معه العصرية نشتري حُمُّص وسوحيرة من البلد ومع زحمة الطريق ما خلى ولا بقى احد الا اتضارب معه الراجل يمشي ويضارب ذبان وجهوا
جلسنا على دا الحال سنين وانا احاول أني اهدي في ابو ايمن وأقول له :يا سيد الناس مايصير كذا رمضان شهر عبادة وتسامح مو عشان الدخان تصير كذا لا كان من دخان اللي يخليك كذا. يرد عليا :هذا بلاء اتبليت فيه ادعي لي قلت له :الله يكفيك شره بس لو ولدك ايمن شفته يدخن ايش تسوي؟ الا التفت عليا قالي انتي مجنونة ولدي ما يسوي كذا ،،، رديت عليه :ليه ولدك مو زي الشباب الثانين حاله من حالهم وإذا انت ابوه تدخن ما تبغاه يدخن ودحين الدنيا تغبرت وصار في حرية لو تشوف الشباب في الكافيهات. بالمعسلات والدخان. سواء بنات أو اولاد لا لهم رادع ولا وجيه يوجههم حتى عند المدارس نشوف الأولاد حقين المتوسط وهما شنباتهم لسع ما خطت. والدخان في فمهم. وكأن دور المدرسة بس. داخل سُوَر المدرسة الا وجهه صفر وحمر وخضر كأنه إشارة مرور ورد عليا قالي :يا حرمة صلي بنا على النبي واهجدي ،،
انا سكتت وجاتني ذيك الفوكيرة اتفقت مع ولدي ايمن اسم الله عليه اننا نعمل تمثيلية على ابوه عشان يبطل ذَا البلاء على الأقل اذا ما بطله يسيطر على نفسه. وتصرفاته في نهار رمضان.
ألمهم ما كَذَبنا خبر وقمت كل يوم اشيل حبة وحبتين من السجائر حقته في البداية ما انتبه وبعدها صار يسألني :ام ايمن الدخان ينقص ماني عارف ليه ؟ قمت قلت له : وانا ايش دراني يمكن انت مزود العيار حبتين رد عليا : لا لا انا اعرف كم ادخن قمت قلت له :والله ما ادري بس ساعات انا اشم ريحة الدخان حقك في الدهليز تحت انت تدخن في الصالة اللي جهة غرفة ايمن؟؟!
الا نقز ذيك النقرة قال لي لا ياشيخه. انت عارفة ما احب أبدل مكاني في غرفة المكتب حقي.
وصار الراجل الفار يلعب في عبه
رحت انا اجري على ايمن هيا ولع السيجارة لان ابوك صار يشك فيك الولد ما كذب خبر. وولع السيجارة الا شوي اشوف ابو ايمن يجري ما يدري على غرفة ايمن وهوا هايج لايج ويفتح باب غرفة الولد انا بيني وبينكم قلبي سقط في رجولي قلت دحين يهبد الولد وهو ماشاء الله يده كانها مرزبه وجلس يحقق مع الولد ليه غرفتك فيها ريحة دخان ومدري اشيكلوا
الى ان دار ايمن وقال له : ايوا يا ابويا انا ادخن الراجل من الصدمة جلس على الكرسي مو متمالك أعصابه وصار يخاصم شوية وينصح شوية يا ولدي ما ينفع انت رجال البيت الثاني وماشاء الله انت في كلية الطب وكلها كم سنه وتصير دكتور تقوم تدخن !!!! رد عليه ايمن بكل هدوء :طيب يا ابويا انت مهندس طيران ومنصب وتدخن انت مثلي الأعلى يا ابويا ،،، الا قام ابو ايمن يصرخ يقول له :انا غير انا ربي بلاني بيه رد عليه ايمن :حتى انا يا ابويا ربي بلاني بيه ،، تلعثم ابو ايمن وما عرف ايش يقول قمت انا كعادتي اكبب واليس وألطف الجو وجلست اهدي على ابو ايمن وان ايمن لسه صغير وما عاد يتعودها شوي الا اقول له وانت كمان يا ابو ايمن تقدر انت وأيمن تبطلوا سواء انت قدوته ونبغاك معانا ربي يطول في عمرك والله ان الدخان ذَا ما جاب لك الا الهم لما ماتدخن تجلس تتعصب علينا وتنكد على صغيرنا قبل كبيرنا خصوصا في رمضان. والله يا ابو ايمن اغتنمها فرصه وبطل هذا الشي البطال. في رمضان ذَا عشان ربنا يبارك لك عمرك وصحتك وعافيتك
سكت ابو ايمن الا ويطلع بكت السجائر من جيبة ويمسك ويقرفطه قرفطة وقال : خلاص من الْيَوْمَ ورايح ماعد فيه دخان
وفرحنا الحمدلله وحمدنا الله على حسن العافية
لكن ابو ايمن بطل الدخان وصار يعمر معسل وجاب لي بدل الفرسة فرستين في قلبي على رأي المثل
قال ايش رماك على المر قلت اللي امر منه ويارب يااارب يبطل هذا المعسل كمان ونرتاح .....
كانت هذي فرستي لليوم يلا يا حبايب قلبي اشوفكم على خير. في أمان الله
كيف حال فؤادكم الصائم. ان شاء الله على النعيم دايم
هيا صلوا على النبي وزيدوا عليه صلاة
فرسة الْيَوْمَ غييير. غييير. يمكن إنتوا مرت عليكم ذي الفرسة زي ماانا انفرس دائماً
ابو ايمن. يا جماعة الخير. ،،، الله يجعل كلامي خفيف عليه. من اخذته. وانا جاهلة وهوا يدخن حاله حال الناس
بس لما يجي رمضان نعلن حالة الطوارى بِسْم الله الرحمن الرحيم. الراجل يصير واحد ثاني من الصبح لما يروح الدوام كشرته ممليه وجهه حتى سلام الله ما يقوله ،،،
كأنه احد قاتله قتيل اول كنت اتصل عليه في العمل اذا نبغى طلبات ولا نواقص في البيت يا جماعة الخير يكلمني كأني عدوته وياويلنا وسواد ليلنا لو نسيت طلب وجاء واطلبه. الراجل طول ماهو صايم شايل طيران عبدالقادر على راْسه الى ان يأذن المغرب ويفك ريقه ويقوم يجري يشرب دخانه قبل لا يروح المسجد وبعدها يروح يصلي يرجع واحد ثاني الضحكة شاقة الوجه ويتكلم ويضحك ولا كأنه هذاك الكشري اللي كان قبل المغرب لا واللي زاد
مرة خرجت معه العصرية نشتري حُمُّص وسوحيرة من البلد ومع زحمة الطريق ما خلى ولا بقى احد الا اتضارب معه الراجل يمشي ويضارب ذبان وجهوا
جلسنا على دا الحال سنين وانا احاول أني اهدي في ابو ايمن وأقول له :يا سيد الناس مايصير كذا رمضان شهر عبادة وتسامح مو عشان الدخان تصير كذا لا كان من دخان اللي يخليك كذا. يرد عليا :هذا بلاء اتبليت فيه ادعي لي قلت له :الله يكفيك شره بس لو ولدك ايمن شفته يدخن ايش تسوي؟ الا التفت عليا قالي انتي مجنونة ولدي ما يسوي كذا ،،، رديت عليه :ليه ولدك مو زي الشباب الثانين حاله من حالهم وإذا انت ابوه تدخن ما تبغاه يدخن ودحين الدنيا تغبرت وصار في حرية لو تشوف الشباب في الكافيهات. بالمعسلات والدخان. سواء بنات أو اولاد لا لهم رادع ولا وجيه يوجههم حتى عند المدارس نشوف الأولاد حقين المتوسط وهما شنباتهم لسع ما خطت. والدخان في فمهم. وكأن دور المدرسة بس. داخل سُوَر المدرسة الا وجهه صفر وحمر وخضر كأنه إشارة مرور ورد عليا قالي :يا حرمة صلي بنا على النبي واهجدي ،،
انا سكتت وجاتني ذيك الفوكيرة اتفقت مع ولدي ايمن اسم الله عليه اننا نعمل تمثيلية على ابوه عشان يبطل ذَا البلاء على الأقل اذا ما بطله يسيطر على نفسه. وتصرفاته في نهار رمضان.
ألمهم ما كَذَبنا خبر وقمت كل يوم اشيل حبة وحبتين من السجائر حقته في البداية ما انتبه وبعدها صار يسألني :ام ايمن الدخان ينقص ماني عارف ليه ؟ قمت قلت له : وانا ايش دراني يمكن انت مزود العيار حبتين رد عليا : لا لا انا اعرف كم ادخن قمت قلت له :والله ما ادري بس ساعات انا اشم ريحة الدخان حقك في الدهليز تحت انت تدخن في الصالة اللي جهة غرفة ايمن؟؟!
الا نقز ذيك النقرة قال لي لا ياشيخه. انت عارفة ما احب أبدل مكاني في غرفة المكتب حقي.
وصار الراجل الفار يلعب في عبه
رحت انا اجري على ايمن هيا ولع السيجارة لان ابوك صار يشك فيك الولد ما كذب خبر. وولع السيجارة الا شوي اشوف ابو ايمن يجري ما يدري على غرفة ايمن وهوا هايج لايج ويفتح باب غرفة الولد انا بيني وبينكم قلبي سقط في رجولي قلت دحين يهبد الولد وهو ماشاء الله يده كانها مرزبه وجلس يحقق مع الولد ليه غرفتك فيها ريحة دخان ومدري اشيكلوا
الى ان دار ايمن وقال له : ايوا يا ابويا انا ادخن الراجل من الصدمة جلس على الكرسي مو متمالك أعصابه وصار يخاصم شوية وينصح شوية يا ولدي ما ينفع انت رجال البيت الثاني وماشاء الله انت في كلية الطب وكلها كم سنه وتصير دكتور تقوم تدخن !!!! رد عليه ايمن بكل هدوء :طيب يا ابويا انت مهندس طيران ومنصب وتدخن انت مثلي الأعلى يا ابويا ،،، الا قام ابو ايمن يصرخ يقول له :انا غير انا ربي بلاني بيه رد عليه ايمن :حتى انا يا ابويا ربي بلاني بيه ،، تلعثم ابو ايمن وما عرف ايش يقول قمت انا كعادتي اكبب واليس وألطف الجو وجلست اهدي على ابو ايمن وان ايمن لسه صغير وما عاد يتعودها شوي الا اقول له وانت كمان يا ابو ايمن تقدر انت وأيمن تبطلوا سواء انت قدوته ونبغاك معانا ربي يطول في عمرك والله ان الدخان ذَا ما جاب لك الا الهم لما ماتدخن تجلس تتعصب علينا وتنكد على صغيرنا قبل كبيرنا خصوصا في رمضان. والله يا ابو ايمن اغتنمها فرصه وبطل هذا الشي البطال. في رمضان ذَا عشان ربنا يبارك لك عمرك وصحتك وعافيتك
سكت ابو ايمن الا ويطلع بكت السجائر من جيبة ويمسك ويقرفطه قرفطة وقال : خلاص من الْيَوْمَ ورايح ماعد فيه دخان
وفرحنا الحمدلله وحمدنا الله على حسن العافية
لكن ابو ايمن بطل الدخان وصار يعمر معسل وجاب لي بدل الفرسة فرستين في قلبي على رأي المثل
قال ايش رماك على المر قلت اللي امر منه ويارب يااارب يبطل هذا المعسل كمان ونرتاح .....
كانت هذي فرستي لليوم يلا يا حبايب قلبي اشوفكم على خير. في أمان الله