يوميات زوجة مفروسة " اليوم الثاني "
كيفكم يا حبايب وكيف سيد بيتكم وكيفكم مع رمضان ؟
بحكيكم الْيَوْمَ على شغلة صارت لي رمضان اللي فات
اااااه الى الان الفرسةفي قلبي
هذا يا جماعة الخير. صحيت اول يوم رمضان على الساعة ١٢ قبل الظهر ونزلت المطبخ
ابغى اشوف سيتي الشغالة جهزت تقطيع البصل والخضرة للفطور واضرب عيني ألقى المطبخ على حطة يدي امس وه يا ندامة ايشبها مقصوفة الرقبة ستي ما روقت المطبخ بعد السحور اخرج اروح غرفتها الا فراشها زي ماهو الآدمية ما رقدت في سريرها وأندر اجري في الصالة اصوت الى وصل حسي عند الجيران ونزل ابونا من غرفته وبناتي اتلموا حوليني وجابت بنتي موية رشتني لانه أغمى عليا من الفجعة سالني ابونا ايشبك ياحرمه احد مات من اهلك ولا يكون انسرقنا اشرت على غرفة البعيدة وقلت له سيتي رد ابونا ايشبها راحت بنتي الكبيرة لغرفتها قالت لي يا ماما ماهي فيه رجعت ثاني اسوط واقول لهم شردت ياهو شردت ابونا جلس مبلم شوية وطلع غرفته يكمل رقدته ولا به ولا عليه وكنه صار شي طبعا اللي يده في المويه موزي اللي يده في النار والبنات جلسوا مخددين كأنه مات لهم ميت اَي والله مات لنا ميت
لما فقت ورقت كلمت وحدة من صديقاتي أدور وحدة تساعدني في رمضان
رسلت لي لسته طويلة عريضة
خدامات للتنازل وخدامات للايجار. غير اللي مونظاميات
من بعد صلاة العشاء وانا اتصل ويقولوا لي ارقام فلكيه للتنازل كأنه مهر.
وأندرت على حقين الايجار الساعة بي ٤٥ غبر حق المشوار وفوق كذا ٤ ساعات بس هذا ايه هو صار تأجير الشغالات موضة. حسبي الله ونعم الوكيل
قالي عقلي يا آدمية جربي اللي بدون اقامه
اااه يا موري يا مراري بغيت أشق حوايجي
تكلمني المديرة من طراطيف خشمها لا ولازم اعطيها امارية عشان تتطمن واول حاجة لازم ارسلها بطاقة شحن أم خمسين عشان تسالي وبعد ساعة اتصلت سوت مَس كول البعيدة ولما اتصلت بها اقول لها ليه ما اتصلتي زي الاوادم تقولي مدام انا مافي رصيد ،،، واه يا ندامه والخمسين ياحرمه اللي شحنت لك قصره تقولي خذي كلمي الشغالة وتكلمني وحدة ماجغة اول شي سالت كم بزورة قلت لها وه انتي جاية تشتغلي مو جايه تربي يا حبيبتي وهاتك يا تحقيق بيت فيلا ولا شقة كم غرفةانا لازم غرفة ليا. والصدمة تقولي مدام فيه وأي فاي. نعم يا حبيتي في يا مصيبة الواي فأي بس تعالي قالت لي اول اتفاق مدام انا اول شغل بيت بس ثمانية ساعة في ضيوف لازم جيب شغالة ثاني مساعدة حمامات كل اثنين يوم غسل غرفة بنت ولد مرة واحد أسبوع نظف وانا مغبوووونه بطق وانا اقول لها موافقه وجينا على السعر كم راتب الا تقولي راتب انا ثلاث الآلاف،،،، ايش شكلو يا حبيبتي !!!! انا بنتي متخرجه من الجامعة وتكرف في شركة بي ثلاثة الآلاف انا استصبت واتبكمت وقفلت الخط وانا مبلوهه هما صاروا كذا الغلط مو عليهم الغلط مننا احنا اللي اعطينهم وجه وصاروا يتاجروا بينا عشان محتاجينهم
عملت جمعة طارئة مع البنات وقلت لهم الحكاية من طقطق الى سلام عليكم. واتفقت مع بناتي نتوازع شغل البيت تهاني انتي تساعديني في المطبخ وتغريد عليكي الصالة وسفرة الاكل ترتبيها وتروقيها و ومها عليها الحمامات والصالون. ومني تروق الصالة اللي فوق وتجهز تعميرة ابوها زي العادة. وآخر العنقود تولين تنظف الدرج وتمسحه والغرف كل بنتين ينظفوا غرفهم وسمع الله لمن حمده
زمان ايّام امهاتنا وجداتنا كانوا كذا يتساعدوا وكانوا الصبيان للرسلات والشغل الجامد والشغالات كانوا للكوي والغسيل.
زمان كانوا البنات ستات بيوت تتجوز البنت وهيا عارفة كل شي. مو زي دحين متكلين على الشغالة
يا جماعة الخير الشغالة تكون عون لنا مو نعتمد عليها في كل شي. ويطلعوا بناتنا ما يعروفوا الجوز من كوز الذرة
لازم نحد من شجع الشغالات ونتصدى له واهو الحمدلله جاء رمضان هذا واحنا محضرين له ومافي شي مكسور ولاحاجة مختفية
قلوبنا على بعض وابشركم زودت مصروف بناتي من راتب الشغالة البعيدة
ذي كانت فرستي لليوم استنوني بكرة ودحين اقعدوا بالعافية وأشوفكم على خير
بحكيكم الْيَوْمَ على شغلة صارت لي رمضان اللي فات
اااااه الى الان الفرسةفي قلبي
هذا يا جماعة الخير. صحيت اول يوم رمضان على الساعة ١٢ قبل الظهر ونزلت المطبخ
ابغى اشوف سيتي الشغالة جهزت تقطيع البصل والخضرة للفطور واضرب عيني ألقى المطبخ على حطة يدي امس وه يا ندامة ايشبها مقصوفة الرقبة ستي ما روقت المطبخ بعد السحور اخرج اروح غرفتها الا فراشها زي ماهو الآدمية ما رقدت في سريرها وأندر اجري في الصالة اصوت الى وصل حسي عند الجيران ونزل ابونا من غرفته وبناتي اتلموا حوليني وجابت بنتي موية رشتني لانه أغمى عليا من الفجعة سالني ابونا ايشبك ياحرمه احد مات من اهلك ولا يكون انسرقنا اشرت على غرفة البعيدة وقلت له سيتي رد ابونا ايشبها راحت بنتي الكبيرة لغرفتها قالت لي يا ماما ماهي فيه رجعت ثاني اسوط واقول لهم شردت ياهو شردت ابونا جلس مبلم شوية وطلع غرفته يكمل رقدته ولا به ولا عليه وكنه صار شي طبعا اللي يده في المويه موزي اللي يده في النار والبنات جلسوا مخددين كأنه مات لهم ميت اَي والله مات لنا ميت
لما فقت ورقت كلمت وحدة من صديقاتي أدور وحدة تساعدني في رمضان
رسلت لي لسته طويلة عريضة
خدامات للتنازل وخدامات للايجار. غير اللي مونظاميات
من بعد صلاة العشاء وانا اتصل ويقولوا لي ارقام فلكيه للتنازل كأنه مهر.
وأندرت على حقين الايجار الساعة بي ٤٥ غبر حق المشوار وفوق كذا ٤ ساعات بس هذا ايه هو صار تأجير الشغالات موضة. حسبي الله ونعم الوكيل
قالي عقلي يا آدمية جربي اللي بدون اقامه
اااه يا موري يا مراري بغيت أشق حوايجي
تكلمني المديرة من طراطيف خشمها لا ولازم اعطيها امارية عشان تتطمن واول حاجة لازم ارسلها بطاقة شحن أم خمسين عشان تسالي وبعد ساعة اتصلت سوت مَس كول البعيدة ولما اتصلت بها اقول لها ليه ما اتصلتي زي الاوادم تقولي مدام انا مافي رصيد ،،، واه يا ندامه والخمسين ياحرمه اللي شحنت لك قصره تقولي خذي كلمي الشغالة وتكلمني وحدة ماجغة اول شي سالت كم بزورة قلت لها وه انتي جاية تشتغلي مو جايه تربي يا حبيبتي وهاتك يا تحقيق بيت فيلا ولا شقة كم غرفةانا لازم غرفة ليا. والصدمة تقولي مدام فيه وأي فاي. نعم يا حبيتي في يا مصيبة الواي فأي بس تعالي قالت لي اول اتفاق مدام انا اول شغل بيت بس ثمانية ساعة في ضيوف لازم جيب شغالة ثاني مساعدة حمامات كل اثنين يوم غسل غرفة بنت ولد مرة واحد أسبوع نظف وانا مغبوووونه بطق وانا اقول لها موافقه وجينا على السعر كم راتب الا تقولي راتب انا ثلاث الآلاف،،،، ايش شكلو يا حبيبتي !!!! انا بنتي متخرجه من الجامعة وتكرف في شركة بي ثلاثة الآلاف انا استصبت واتبكمت وقفلت الخط وانا مبلوهه هما صاروا كذا الغلط مو عليهم الغلط مننا احنا اللي اعطينهم وجه وصاروا يتاجروا بينا عشان محتاجينهم
عملت جمعة طارئة مع البنات وقلت لهم الحكاية من طقطق الى سلام عليكم. واتفقت مع بناتي نتوازع شغل البيت تهاني انتي تساعديني في المطبخ وتغريد عليكي الصالة وسفرة الاكل ترتبيها وتروقيها و ومها عليها الحمامات والصالون. ومني تروق الصالة اللي فوق وتجهز تعميرة ابوها زي العادة. وآخر العنقود تولين تنظف الدرج وتمسحه والغرف كل بنتين ينظفوا غرفهم وسمع الله لمن حمده
زمان ايّام امهاتنا وجداتنا كانوا كذا يتساعدوا وكانوا الصبيان للرسلات والشغل الجامد والشغالات كانوا للكوي والغسيل.
زمان كانوا البنات ستات بيوت تتجوز البنت وهيا عارفة كل شي. مو زي دحين متكلين على الشغالة
يا جماعة الخير الشغالة تكون عون لنا مو نعتمد عليها في كل شي. ويطلعوا بناتنا ما يعروفوا الجوز من كوز الذرة
لازم نحد من شجع الشغالات ونتصدى له واهو الحمدلله جاء رمضان هذا واحنا محضرين له ومافي شي مكسور ولاحاجة مختفية
قلوبنا على بعض وابشركم زودت مصروف بناتي من راتب الشغالة البعيدة
ذي كانت فرستي لليوم استنوني بكرة ودحين اقعدوا بالعافية وأشوفكم على خير