يوميات زوجة مفروسة
السلام عليكم
حبيت ابارك لكم بمناسبة قدوم رمضان
زمزم مبخر بطاسة مدينية
وسمسم بتمر سكرية
وشربة حب في زبدية
وسمبوسة بيتي وصحن مقلية
وعيش باللحم في صينية
والحلى سقدانة ومهلبية
وكنافه وقطايف وعاشوريه
وزير السوبيا على المرفع من العصرية
والسهرة كبده ومنفوش ومهجميه
والسحور سقط ومصقعة وملوخية
وطاسة الزمزم من الفجريه
ورمضان كريم
بحكي لكم يومياتي الرمضانية مع البزورة وابوهم والجيران
هذا يا حبايب قلبي من يوم ما قالوا يا رمضان وانا اجري ما ادري اشوف النواقص في البيت وكتبت المقاضي بورقة وحطيت رجلي زي الرهوان مع ابو البزورة على السوبر ماركت
ودخلنا السوبر ماركت وعينكم ما تشوف الا النور الناس تجري ما تدري كانهم عايشين في مجاعة كل نَفَر بعربيتين وثلاثة والرفوف منفضة كأن رمضان للاكل وبس وتشوفوا عند المحاسب صف طويل ماله اخر
انا فكيت فمي وانهبلت من اللي يصير قدامي يا هوا
رمضان مو كذا فين زمان وأيام زمان.
زمان كنّا نفطر سمبوسة وشوربة وحبة أيدام وذيك السوقدانه اللي تشرح الصدر
دحين الفطور اشكال وأنواع من المعجنات والمحاشي والحلو ويقوموا وتفضل السفرة مرطرطة اكل ينكب في الزبالة اكرمكم الله
يا جماعة الخير رمضان كله خير
بس مو بذي الطريقة
رسول الله عليه السلام قال:ما ملأ آدمي وعاء شرًّا من بطن، بحسب ابن آدم لقيمات يقمن صلبه، فإن كان لا محالة فثلث لطعامه، وثلث لشرابه، وثلث لنفسه))
قال ثلث ثلث يا هوا مو قال الى ان تنفجر بطنه
في عالم ماعندها فطور يفطورا على موية وتمر
واحنا اشكال وأنواع وفِي الأخير في الزبالة
خافوا الله يا خلق الله من كذا حرام التبزير ذَا حراااام.
والله بكرة النهار تتمنوا النعمة ما تلاقوها
وهذي كانت فرستي الاولى ويارب ويارب تكون الاخيرة ودحين أسيبكم يا حبايب على خير ولا تنسوا السحور لا تاكلوا السمك في السحور عشان لا يعطشكم.
هيا اقعدوا بالعافية وفِي أمان الله
التوقيع: زوجة مفروسة
حبيت ابارك لكم بمناسبة قدوم رمضان
زمزم مبخر بطاسة مدينية
وسمسم بتمر سكرية
وشربة حب في زبدية
وسمبوسة بيتي وصحن مقلية
وعيش باللحم في صينية
والحلى سقدانة ومهلبية
وكنافه وقطايف وعاشوريه
وزير السوبيا على المرفع من العصرية
والسهرة كبده ومنفوش ومهجميه
والسحور سقط ومصقعة وملوخية
وطاسة الزمزم من الفجريه
ورمضان كريم
بحكي لكم يومياتي الرمضانية مع البزورة وابوهم والجيران
هذا يا حبايب قلبي من يوم ما قالوا يا رمضان وانا اجري ما ادري اشوف النواقص في البيت وكتبت المقاضي بورقة وحطيت رجلي زي الرهوان مع ابو البزورة على السوبر ماركت
ودخلنا السوبر ماركت وعينكم ما تشوف الا النور الناس تجري ما تدري كانهم عايشين في مجاعة كل نَفَر بعربيتين وثلاثة والرفوف منفضة كأن رمضان للاكل وبس وتشوفوا عند المحاسب صف طويل ماله اخر
انا فكيت فمي وانهبلت من اللي يصير قدامي يا هوا
رمضان مو كذا فين زمان وأيام زمان.
زمان كنّا نفطر سمبوسة وشوربة وحبة أيدام وذيك السوقدانه اللي تشرح الصدر
دحين الفطور اشكال وأنواع من المعجنات والمحاشي والحلو ويقوموا وتفضل السفرة مرطرطة اكل ينكب في الزبالة اكرمكم الله
يا جماعة الخير رمضان كله خير
بس مو بذي الطريقة
رسول الله عليه السلام قال:ما ملأ آدمي وعاء شرًّا من بطن، بحسب ابن آدم لقيمات يقمن صلبه، فإن كان لا محالة فثلث لطعامه، وثلث لشرابه، وثلث لنفسه))
قال ثلث ثلث يا هوا مو قال الى ان تنفجر بطنه
في عالم ماعندها فطور يفطورا على موية وتمر
واحنا اشكال وأنواع وفِي الأخير في الزبالة
خافوا الله يا خلق الله من كذا حرام التبزير ذَا حراااام.
والله بكرة النهار تتمنوا النعمة ما تلاقوها
وهذي كانت فرستي الاولى ويارب ويارب تكون الاخيرة ودحين أسيبكم يا حبايب على خير ولا تنسوا السحور لا تاكلوا السمك في السحور عشان لا يعطشكم.
هيا اقعدوا بالعافية وفِي أمان الله
التوقيع: زوجة مفروسة