ليلة عــيد حجازية...

*

*

*

*

*

الحمدلله الذي بلغنا شهر شوال وجعلنا الله وإيامكم من المقبولين .وكل عام وانتم بخير . ليلة العيد الحجازية تحكي قصة تراث أصلية،. تسمعهم يعلنوا في الراديو عن أول أيام عيد الفطر .. عاد احنا مانعرف أنه أول يوم عيد فطر ولازم نكون هادين ، فتحصل كل عائلة تبدأ باللخبطة او ما تسمى (الصرفدة) يعني ياواد شيل دا ويابنت رتبي الغرفة دي وهذا يصيح والتاني يجري والتالت متنح شرب كاسة سوبيا وكانها اخر*مرة يشربها ،هههه وتعال اتفرج قبل صلاة العشاء بشوية يتفلتوا الرجال جري على الحلاق وأمسك سرى واللي يقلك خد رقم .،ومعانات حلاقين .. نرجع للبيت تلاقي الام وبناتها في دربكة كوي الملابس وترتيب المجالس .. ماتجي ساعة الفجرية إلا وسيد البيت ماخد اولاده والبيت كله يصلوا الفجر ويجلسوا ألين صلاة العيد وكلهم كدا متشرعين ولابسين وتحصلهم مشاءالله بيضحكوا ومبسوطين وناسين الصياح والمشاكل والمضاربات اللي نسمها (دربكة العيد ) وهم جالسين في المسجد يستنوا صلاة العيد تسمع التكبير وتشوف فلان وعلان وتسلم على دا ودا، وتفك ريقك برطبة وكاسة موية يمر عليك بيها اولاد الحارة ،.فرحة جميلة ..تجمع الأهل والأصحاب . وبعد الصلاة يجتمعوا في بيت العائلة عشان يفطروا سوى وتعال اتفرج على فطور العيد (العصيدة والعريكة وشي يفتح النفس ويعلق المخ)ههه والحمدلله ويخلص الفطور وتبدا العيديات تتوزع على الأطفال وتفرحهم .. وكل واحد يرجع بيتوا يريح ..يستعد عشان بعد العشاء راح يكون هناك في لعب مزمار والعاب نارية (طراطيع) ههههه أيام حلوة وعادات احلى واسأل الله لايحرمنا منها . هذه وصف سريع ومختصر ل ليلة العيد الأولى بالطريقة الحجازية المكاوية.. الحمدلله على نعمة الألفة والمحبة واسأل الله أن يديمها علينا وعليكم وان يمدنا بالصحة والعافية عما تلو عام . وكل عام وأنتم بخير .