ذي ديرتي. امي الحنون.
... حبيبتي ...
حبيبتي احبها
وودي اشوف الخلق كله يحبها
واحبها.. وازعل اذا صادفت من ما يحبها
واحبها.. واحبها.. وما اغير من اللي يحبها
بالعكس اعتبره عزيز !!!
*
تستغربون؟
اشوف التساؤل بالعيون
لو تعرفون؟
ابد ابد ما تنكرون..
والدمع يطفح بالعيون
احبها وحبي لها يصل الجنون
*
تستغربون؟
تتسائلون؟
من هي حسناء العيون؟
هل تجهلون؟
ذي ديرتي. امي الحنون.
ذي ديرتي اختي واخوي
ذي ديرتي .. امي وابوي.
*
ودي اشوف الخلق كله يحبها
ونعيش سوى في حضنها
وتضمنا وتلمنا. وتحن علينا امنا
يا ديرتي .. يا امي الحنون.
*
يا رب احفظ امنا.
واحفظ علينا امننا.
وتحفظ ملكنا وشعبنا.
وتديم علينا عزنا.
وحبيبتي هي ديرتي
حبيبتي يا امنا.